មកស្គាល់ប្លង់ថតកុនល្បីៗ សូម្បីភាពយន្តហូលីវូដក៏យកតាមនេះដែរ!

2019-04-15 11:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្លង់ថតនៃភាពយន្តល្បីៗសុទ្ធតែបានឆ្លងកាត់ការជ្រើសរើសយ៉ាងម៉ត់ចត់ និងសរសេរជាក់លាក់ក្នុងសេនារីយ៉ូរឿង។ ថ្វីត្បិតពេលខ្លះ ផលិតករមួយចំនួនបានព្យាយាមបង្កើតប្លង់ថ្មីៗរបស់ខ្លួនក្ដី ប៉ុន្តែភាពយន្តទូទាំងពិភពលោក សូម្បីតែហូលីវូដ តែងប្រើប្រាស់ប្លង់ខាងក្រោមនេះ ជាប្លង់មូលដ្ឋានក្នុងការថតខ្សែភាពយន្តរបស់ខ្លួន៖

-Extreme Wide Shots (EWS) គឺជាប្លង់ពីចម្ងាយ អាចបង្ហាញពីអ្វីមួយ ឬទីកន្លែងណាមួយបានយ៉ាងទូលាយ។ (មើលរូបទី១ ខាងក្រោម)

-Wide Shots (WS) គឺជាប្លង់បង្ហាញមួយជំហរខ្លួនរបស់មនុស្ស ឬ Subject អ្វីមួយ។

-Medium Shots (MS) គឺថតមនុស្សត្រឹមពាក់កណ្ដាលចង្កេះឡើងលើរហូតហួសចុងសក់បន្តិច។ ប្លង់នេះគឺអាចឲ្យអ្នកទស្សនាឃើញពីចលនាដៃ ឬការផ្លាស់ទីរបស់តួអង្គយ៉ាងច្បាស់។

-Medium Close Ups (MCU) គឺជាប្លង់ដែលបង្ហាញតួអង្គកាន់តែកៀក ចាប់ត្រឹមក្រោមស្មាបន្តិចទៅលើដល់ចុងសក់។

-Close Ups (CU) គឺជាប្លង់ដែលបង្ហាញផ្នែកណាមួយនៃ Subject។ ឧទាហរណ៍ដូចរូបទី១ខាងក្រោមនេះ CU គឺមុខរបស់មនុស្សប្រុសនោះ។

-Extreme Close Ups (ECU) គឺជាប្លង់ថតកៀកបំផុត ដែលអាចធ្វើឲ្យអ្នកមើលឃើញ Subject ច្បាស់ និងលម្អិតជាងភ្នែករបស់អ្នកទៅទៀត។ ដូចរូបទី១ខាងក្រោមនេះ ECU គឺលើរង្វង់ភ្នែកទាំងពីររបស់មនុស្សប្រុសនោះ។

Camera-Shots រូបទី១

-Two Shot

គឺជាប្លង់ ដែលថតយកមនុស្សពីរនាក់។ (មើលរូបទី២ ខាងក្រោម)

Two-Shot

រូបទី២

-Over the Shoulder Shots (OSS

) គឺជាប្លង់ថតពីខាងក្រោយមនុស្សម្នាក់សំដៅឆ្ពោះទៅកាន់ Subject ដោយឲ្យឃើញត្រចៀក ស្មា ឬផ្ទៃមុខម្ខាងនៃមនុស្សនោះ។ បច្ចេកទេសនៃការថតប្លង់នេះគឺឲ្យមនុស្សទល់មុខនឹង Subject។ ប្លង់នេះក៏គេឧស្សាហ៍ប្រើក្នុងកិច្ចសម្ភាសន៍ដែរ។ (មើលរូបទី៣ ខាងក្រោម)

over-shoulder

រូបទី៣

-Point of View គឺជាប្លង់ដែលថតចេញពីក្បែរភ្នែករបស់អ្នកសម្ដែង ដូច្នេះអ្នកទស្សនានឹងមានអារម្មណ៍ថា ប្លង់ហ្នឹងគឺចេញពីភ្នែករបស់គេផ្ទាល់ ឬដៃកំពុងមានចលនាក្នុងអេក្រង់ហាក់បីដូចជាដៃរបស់គេដែរ។ (មើលវីដេអូខាងក្រោម)

-Selective Focus គឺជាប្លង់ដែលគេថតទម្លាក់ Aperture ឲ្យទាប ឧ. f/3.5, f/2.8, f/2, ឬ f/1.4 នោះវានឹងបង្កើតភាពព្រិល (Depth of Field) នៅកន្លែងដែលអ្នកមិនផ្ដោតលើ (Out of Focus) ។ មើលរូបទី៤ រូបផ្នែកខាងលើ គឺឲ្យ Focus នៅខាងមុខ ដូច្នេះរូបបុរសនោះមានភាពច្បាស់ ចំណែកឯរូបនារីនៅខាងក្រោយព្រិល។ ចំពោះរូបខាងក្រោម គឺឲ្យ Focus នៅផ្នែកខាងក្រោយ ដូច្នេះរូបនារីច្បាស់ ចំណែករូបបុរសព្រិល។ ដោយសារភាពយន្តមានចលនា គេអាចប្ដូរឲ្យម្ដងព្រិលមុខម្ដងព្រិលក្រោយបានយ៉ាងងាយ។ (អានអត្ថបទ៖ របៀបនៃការថតរូបបែប Depth of Field)

selective-focus