ភ្ញាក់ព្រឺត! ឡៅ ចន្ទ្រា ឡើងកូដឈានដល់ក្លាយជាតួសម្តែងក្នុងវីដេអូ "តស៊ូដើម្បីកេរដំណែល"

2019-04-24 07:31:57
ចំនួនមតិ 0 | ចំនួនចែករំលែក 0

ចន្លោះមិនឃើញ

នាពេលថ្មីៗនេះ មានវីដេអូស្ប៉តពាណិជ្ជកម្មមួយដែលមានចំណងជើងថា “តស៊ូដើម្បីកេរដំណែល” ដែលផលិតដោយក្រុមហ៊ុនជីធម្មជាតិជប៉ុន សញ្ញាផែនដី។ នៅក្នុងវីដេអូនេះ គេចាប់អារម្មណ៍ទៅលើអ្នកប្រដាល់កំពុងល្បីរន្ទឺមួយរូបក្នុង ព្រះរាជាណាចក្រកម្ពុជា គឺកីឡាករ ឡៅ ចន្ទ្រា បានបង្ហាញ អំពីខ្សែជីវិតអ្នកស្នងក្បាច់គុនប្រដាល់ខ្មែរបុរាណ។ រីឯខ្សែជិវិតមួយទៀតគឺ ខ្សែជីវិតកសិករដែលស្នងដីកេរដំណែល របស់គ្រួសារ។

វីដេអូនេះ ទទួលបានការចាប់អារម្មណ៍ពីសាធារណជនជាច្រើនដោយបានចូលរួមបញ្ចេញមតិផ្សេងគ្នា តែន័យរួមគឺ ពេញចិត្តនូវគំនិត ដែលបណ្តុះឲ្យអ្នកបានយល់ច្បាស់អំពីថា "កេរដំណែល" របស់គ្រួសារក៏ដូចជាកេរដំណែលដូនតាថាមានតម្លៃប៉ុណ្ណា។ ដើម្បីឲ្យកាន់តែច្បាស់ លោកអគ្គនាយកក្រុមហ៊ុនជីធម្មជាតិ ជប៉ុនសញ្ញាផែនដីក៏បានបកស្រាយលម្អិតថា៖ “ក្រៅពីវប្បធម៌ និងសិល្បៈយ៉ាងសម្បូរបែបដ៏ល្អផូរផង់ កម្ពុជានូវមានគុនបុរាណដែលល្បីរន្ទឺថាល្អប្លែកពី ប្រទេសដទៃ ជាពិសេសដែនដីសុវណ្ណភូមិ ដែលមានអំណោយផលផ្នែកកសិកម្ម និងពោរពេញទៅដោយសម្បត្តិធម្មជាតិនានា"។

ចំពោះសារដ៏សំខាន់ ក្នុងវីដេអូនេះ មានគោលបំណងចង់ផ្សព្វផ្សាយដើម្បីឲ្យបងប្អូនប្រជាជនខ្មែរទាំងអស់បានយល់អំពីអត្ថន័យ និងតម្លៃដែលមិនអាច កាត់ថ្លៃបានចំពោះអ្វី ដែលហៅថា "កេរដំណែល" ដែលបានបន្សល់ពីដូនតារាប់សិបជំនាន់។ ដូច្នេះក្នុងជាកូនចៅ ដែលជាអ្នកស្នង ត្រូវពង្រឹងជំហរដើម្បីជម្នះឧបសគ្គ ព្រោះវាជាកាតព្វកិច្ចរបស់អ្នកស្នង ដើម្បីរក្សាឲ្យបានគង់វង្សសម្រាប់ជំនាន់ក្រោយជាអ្នកបន្ត។

ដើម្បីជ្រាបច្បាស់ សូមទស្សនាវីដេអូស្ប៉តរបស់ក្រុមហ៊ុនជីធម្មជាតិ សញ្ញាផែនដី៖

អត្ថបទ៖ ថា ម៉ាលីដា

ពាក្យទាក់ទង