ឆ្នាំ ២០១៤ Liverpool ប៊ិះនឹងបានលើកពានទៅហើយ តែត្រូវ Chelsea បង្អាក់សុបិន

2019-04-14 03:13:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Liverpool ប្រយុទ្ធជាមួយ Chelsea កាលពីថ្ងៃទី ២៧ ខែមេសា ឆ្នាំ ២០១៤ ពោលគឺកាលពី៥ឆ្នាំមុននៅទឹកដី Anfield គឺជាការប្រកួតមិនអាចបំភ្លេចបាន ពិសេសក្នុងចំណោមអ្នកគាំទ្រហង្សក្រហម។

ក្រុមរបស់លោក Brendan Rodgers ជិតនឹងក្លាយទៅជាជើងឯកទៅហើយ ប៉ុន្តែ Jose Mourinho បានបង្អាក់ដំណើរនេះដោយបានជួយ Chelsea ឈរនៅលេខ៣លើតារាង English Premier League នៅពេលបញ្ចប់រដូវកាល។

កាលណោះ ៤ប្រកួតចុងក្រោយ Liverpool ត្រូវការឈ្នះគ្រប់ការប្រកួត ដើម្បីលើកពានដោយស្វ័យប្រវត្តិក្រោយ។ ក៏ប៉ុន្តែសុបិននេះត្រូវបានរលាយក្រោយចាញ់ Chelsea នៅ Anfield ០-២។

ទីបំផុត Man City លើកពាន Premier League ដែលមាន៨៦ពិន្ទុ Liverpool លេខ២មាន៨៤ពិន្ទុ និង Chelsea លេខ៣មាន៨២ពិន្ទុ។

ត្បិតគ្រូបង្វឹកសញ្ជាតិព័រទុយហ្គាល់មិនបានជួយ Chelsea លើកពានក្នុងឆ្នាំនោះ ប៉ុន្តែវាគឺជារឿងរ៉ាវមួយក្នុងចំណោមទិដ្ឋភាពដែលមិនអាចបំភ្លេចបានពីលោក Mourinho ដែលធ្វើឲ្យអ្នកគាំទ្រ Liverpool សឹងនឹងគ្មានទឹកភ្នែកយំ។

៥ ឆ្នាំក្រោយ ខែមេសាដដែលរឿងរ៉ាវស្រដៀងគ្នាក៏បានកើតឡើងនៅ Premier Leauge ម្តងទៀត Liverpool កំពុងឈរនៅកំពូលតារាង ហើយនឹងត្រូវបើកទ្វារកីឡាដ្ឋាន Anfield ប្រកួតទី៣៤របស់ខ្លួនដើម្បីទទួលក្រុមលេខ៣ Chelsea របស់ Maurizio Sarri នៅថ្ងៃទី១៤ ខែមេសា។

តើរឿងរ៉ាវ Chelsea, Liverpool និង Man City អាចក្លាយទៅជាប្រវត្តិសាស្ត្រច្រំដែលនៅ Premier League ឬយ៉ាងណា?