Apple ឈរលេខ ១ លក់ស្មាតហ្វូនប្រណីតដាច់ជាងគេ តែ Oppo/Huawei តាមធ្វើទុក្ខឥតល្ហែ
- 2019-04-18 01:37:21
- ចំនួនមតិ 0 | ចំនួនចែករំលែក 0
Apple ឈរលេខ ១ លក់ស្មាតហ្វូនប្រណីតដាច់ជាងគេ តែ Oppo/Huawei តាមធ្វើទុក្ខឥតល្ហែ
ចន្លោះមិនឃើញ
ការនាំចេញស្មាតហ្វូនប្រណីតក្នុងឆ្នាំ ២០១៨ មានការកើនឡើងប្រមាណ ១៨ ភាគរយ ធៀបនឹងឆ្នាំចាស់ ២០១៧។ នេះបើយោងតាមរបាយការណ៍ពី Counterpoint ។ ក្នុងនោះឃើញថាការប្រកួតប្រជែងនៅតែបន្តកើតមាន ជាពិសេសគឺក្រុមហ៊ុនកំពូលៗរបស់ប្រទេសចិន ក៏បន្តទទួលភាពជោគជ័យឥតឈប់ឈរ។
ត្បិតអី Apple ឈរលេខ ១ ក្តោបក្តាប់ចំណែកទីផ្សារស្មាតហ្វូនប្រណីត (៤០០ ដុល្លារឡើង) មាន ៥១ ភាគរយធ្លាក់ចុះពី ៥៨ ភាគរយធៀបឆ្នាំចាស់ ខណៈ Samsung រក្សាតំណែងទី ២ ធ្លាក់ចុះមួយភាគរយ ហើយ Huawei កើនបាន ២ ភាគរយ ចំណែកឯលេខ ៤ គឺ Oppo មាន ៦ ភាគរយ និងកុលសម្ព័ន្ធ OnePlus ឡើងមក ២ ភាគរយឈរលេខ ៥។
ចែកជាទីផ្សារតាមបណ្តាតំបន់ធំៗក្នុងលោក សម្រាប់ប៉ែកអាមេរិកខាងជើងគឺ Apple (១), Samsung (២) និង Google (៣) ស្រដៀងនឹងទីផ្សារចិន Apple ក៏ឈរកំពូល តែពីរលេខខាងក្រោមមាន Huawei និង Oppo ហើយនៅទីផ្សារឥណ្ឌា Samsung ទៅវិញជាអ្នកនាំមុខ តាមពីក្រោយដោយ OnePlus និង Apple នៅលេខ ៣។
រំឭកថាស្មាតហ្វូនតម្លៃលើ ៤០០ ដុល្លារ ត្រូវបានក្រុមហ៊ុនចិនជាច្រើនចេញផ្សាយបន្តកន្ទុយគ្នា ហើយក៏ទទួលបានការចាប់អារម្មណ៍ខ្ពស់ពីមួយជំនាន់ទៅមួយជំនាន់ រហូតបង្កជាផលវិបាកសម្រាប់ក្រុមហ៊ុនយក្សដូចជា Apple និង Samsung ក្នុងការស្វែងរកនូវភាពច្នៃប្រឌិតថ្មីឬចំណុចខ្លាំងណាមួយដើម្បីប្រជែងនឹងក្រុមហ៊ុនទាំងនោះនៅលើទីផ្សារសកលលោក។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ធ្លាប់តែឃើញសូរ្យគ្រាសមើលពីផែនដី ឥឡូវមើលសូរ្យគ្រាសពីលំហអាកាសវិញម្ដង
អ្នកធ្វើ Troll ឆាវឆាវ ទម្លាយប្រាប់ពីចំណូលដែលរកបានក្នុងមួយខែ