Ajax ទម្លាក់ Juventus ពីវគ្គ៨ក្រុម ទោះ Ronaldo ស៊ុតបាល់នាំមុខមុន

2019-04-17 02:22:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខ្លាំងអ៊ីតាលី Juventus មិនអាចឡើងទៅវគ្គពាក់កណ្តាល UFC បានទេ បន្ទាប់ពីចាញ់ក្រុមភ្ញៀវ Ajax នៅក្នុងផ្ទះខ្លួនឯងដោយលទ្ធផល ២-១ក្នុងជើងទី២ ដែលសរុបទាំងពីរជើងចាញ់ ៣-២។

ការប្រកួតជើងទី២យប់មិញ ក្រុមម្ចាស់ផ្ទះហាក់ដាក់សម្ពាធច្រើននៅដើមវគ្គរហូតដល់នាទីទី២៨ទើប Ronaldo តែតចូលទីបានសម្រេចដើម្បីនាំមុខ១-០ ដើម្បីបង្កើនក្តីសង្ឃឹមកាន់តែខ្ពស់ដល់ម្ចាស់ផ្ទះ។ យ៉ាងណា ត្រឹមតែ៤នាទីក្រោយប៉ុណ្ណោះ Ajax បានតាមស្មើ ១-១ ដោយការស៊ុតបញ្ចូលទីពីកីឡាករ De Beek នៅនាទីទី៣៤។

នៅវគ្គទី២ ក្រុមទាំងពីរហាក់ប្រុងប្រយ័ត្ន និងសម្រុកទៅវិញទៅមក។ មើលទៅម្ចាស់ផ្ទះ Juventus ឱកាសស៊ុតនៅមុខទីរបស់ Ajax តិចតួច។ ផ្ទុយទៅវិញ Ajax ដាក់សម្ពាធច្រើនជាង ហើយនៅនាទីទី៦៧ De Ligt តែតចូលទីបានសម្រេច បន្ទាប់ពីទទួលបាល់ជ្រុងពីរដើម្បីនាំមុខ ២-១។ នៅចុងវគ្គឃើញថា Juventus បានខំប្រឹងសម្រុកច្រើន ខណៈ Ronaldo ក៏មានឱកាសតែតម្តងម្កាលដែរ តែមិនបានសម្រេចចប់។

សរុបគ្រាប់បាល់ទាំងជើង Juventus ចាញ់ដោយលទ្ធផល ៣-២ ដែលអស់ឱកាសឡើងទៅវគ្គបន្តហើយ ខណៈ Ajax ក្លាយជាក្រុមគួរឲ្យចាប់អារម្មណ៍បន្ទាប់ពីទម្លាក់ក្រុមខ្លាំង Real Madrid និង Juventus៕