មកមើលកាដូ ករុណា ពេជ្រ ទិញឲ្យខ្លួនឯងក្នុងឆ្នាំថ្មីនេះចុះ តម្លៃកប់ពពក

2019-04-18 04:38:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីចូលឆ្នាំថ្មីរួច សិល្បកររំលេចសមិទ្ធផលថ្មីបន្តបន្ទាប់ ក្នុងនោះ ណូម័រ ទើបទិញផ្ទះថ្មី ឯលោក ករុណា ពេជ្រ ក៏ឡើងស៊េរីរថយន្តថ្មីដ៏ប្រណិតមួយគ្រឿងដែលមានតម្លៃដល់ទៅជាង ២០ម៉ឺនដុល្លារអាមេរិកឯណោះ។

រថយន្តថ្មីរបស់ អតីតអ្នកចាត់ការផលិតកម្ម ថោន នេះ គឺម៉ាក Lexus ស៊េរីឆ្នាំ ២០១៩ ដែលលោក ករុណា ពេជ្រ ទើបបានបើកបង្ហាញនៅមុននេះ។ "សួស្ដីឆ្នាំថ្មី ហេង ហេង ...ទម្រាំតស៊ូ ដណ្ដឹងយកអូនបាន មិនងាយទេ ព្រោះថ្លៃទឹកដោះអូនច្រើនពេក....មួយចំណែក សម្រាប់ប៉ា.. មួយចំណែកសម្រាប់គ្រួសារ.. មួយចំណែកនេះ ដើម្បីខ្លួនឯង...ប្រសិនបើប៉ាដឹងខ្លួន ចងចាំវិញ មិនដឹងបានសប្បាយចិត្ត ញញឹម យ៉ាងណាទេ"។ ម្ចាស់បទ "អោបគេទៅ" ថ្លែង។

ប្រិយមិត្តអ្នកគាំទ្រលោកជាច្រើនបានសាទរចំពោះសមិទ្ធផលក្នុងឆ្នាំថ្មីនេះ បន្ទាប់ពីគេបានដឹងថា យូរមកហើយលោក រវល់តែនឹងការមើលថែអ្នកមានគុណកំពុងមានជំងឺធ្ងន់ធ្ងរ ពុំសូវមានពេលគិតគូរពីខ្លួនឯងឡើយ។ ចំពោះតម្លៃ ករុណា ពេជ្រ សុំមិនបញ្ចេញនូវតម្លៃពិតប្រាកដឡើយ ដោយគ្រាន់តែបង្ហាញថា ជាតួលេខមួយដ៏ខ្ពស់។

ទោះយ៉ាង តាមតម្លៃនៅលើទីផ្សារ រថយន្ត Lexus ស៊េរីឆ្នាំ ២០១៩ នេះ មានតម្លៃប្រមាណ ២៤ម៉ឺនដុល្លារអាមេរិកឯណោះ។ បែបនេះក្ដី ឆ្លើយឆ្លងជាមួយ Sabay បញ្ជាក់ថា រថយន្តថ្មីរបស់លោកនេះ មិនមានតម្លៃដល់តួលេខខាងលើឡើយ ត្បិតថា រថយន្តរបស់លោក មិនមែនស៊េរីឆ្នាំ ២០១៩ នោះទេ។

"មើលពីខាងក្រៅ គឺរថយន្តនេះ ដូចស៊េរីឆ្នាំ ២០១៩ ទាំងអស់ ប៉ុន្តែឡាននេះគេឡើងទេបង ឆ្នាំពិតរបស់វា គឺឆ្នាំ ២០១៧ទេ អាឆ្នាំ ២០១៩ តម្លៃខ្ទង់ ២៤ម៉ឺនដុល្លារអីហ្នឹង តែឡានខ្ញុំនេះ តម្លៃមិនដល់ហ្នុងទេ!”។ លោក ករុណា ពេជ្រ ថ្លែង។

រថយន្តថ្មីរបស់ ករុណា ពេជ្រ(រូបភាព៖ហ្វេសប៊ុក ករុណា ពេជ្រ)

នៅមុនប្ដូរមកស៊េរី Lexus ស៊េរីឆ្នាំ ២០១៩ នេះ លោក ករុណា ពេជ្រ បញ្ជាក់ថា រថយន្តចាស់របស់លោក ក៏ស៊េរី Lexus ដែរ ប៉ុន្តែស៊េរីទាបជាង គឺឆ្នាំ ២០១០។ រថយន្តថ្មីនេះ លោក ទិញទុកជាអំណោយសម្រាប់ខ្លួនឯងនាឆ្នាំថ្មីនេះ៕

អាន៖ ក្ដៅសាច់កាត់ព្រឹក សួង សុខារ៉ានីត ចិត្តល្អ បើកចំហប៊ីគីនីមួយឈុតធំ

បទនេះ ស្រទន់លន្លង់លន្លោចណាស់ សម្រាប់អ្នកមានបញ្ហាស្នេហារដូវចូលឆ្នាំ ស្ដាប់ហើយអាចស្រក់ទឹកភ្នែក

អាន៖ Bross La ចេញបទថ្មី ផ្ទុះក៏ផ្ទុះ គេរិះគន់ ក៏រិះគន់ចាស់ដៃដែរ!

អត្ថបទ៖ ទារិកា