លី រិទ្ធី ប៉ះបរទេសលើកទី១ បារម្ភខ្លាចធ្វើមិនបានល្អ ប៉ុន្តែនឹងខំប្រឹងឲ្យខ្លាំងបំផុត

2019-04-19 02:49:32
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រយុទ្ធមកពីខេត្តសៀមរាប លី រិទ្ធី ថាប្រកួតលក្ខណៈមិត្តអន្តរជាតិល្ងាចនេះនៅសង្វៀនបាយ័ន មានក្ដីបារម្ភមួយចំនួនដែរ ខ្លាចធ្វើមិនបានល្អដោយសារខ្លួនជាជើងថ្មី ខណៈបទពិសោធនៅស្ទើរ ប៉ុន្តែនឹងខំប្រឹងប្រែងឲ្យខ្លាំងបំផុត។

កីឡាករ លី រិទ្ធី

រិទ្ធី បានឲ្យដឹងថា មានការភ្ញាក់ផ្អើលដែរ ដែលបានទទួលដំណឹងពីម្ចាស់ក្លឹបថានឹងត្រូវប្រកួតលក្ខណៈមិត្តភាពអន្តរជាតិបែបនេះ ដោយសារតែខ្លួនទើបតែប្រឡូកក្នុងវិស័យប្រដាល់ ទាំងបទពិសោធ និងស្នៀតហាក់នៅខ្ចី។ បើទោះជាយ៉ាងណាក៏ដោយ កីឡាករដើមកំណើតអ្នកអង្គររូបនេះ បញ្ជាក់ថា«ក្នុងនាមជាប្រដាល់ម្នាក់ មិនមានចិត្តខ្លាចដៃគូនោះឡើយ»។

កីឡាករ លី រិទ្ធី

អ្នកប្រដាល់វ័យ២៩ឆ្នាំរូបនេះ បន្ថែមទៀតថា ខ្លួនបានហ្វឹកហាត់ត្រៀមរយៈពេល១សប្ដាហ៍ដែរ និងឆ្លៀតមកពង្រឹងសមត្ថភាពបានប៉ុន្មានថ្ងៃថែមទៀតដែរជាមួយលោកគ្រូ ធន់ សុភា នៅរាជធានីភ្នំពេញ។ សម្រាប់ការប្រកួតនៅល្ងាចនេះ រិទ្ធី សង្ឃឹមប្រហែល៥០%។

កីឡាករ លី រិទ្ធី

កីឡាករ លី រិទ្ធី នឹងត្រូវប្រកួតមិត្តភាពអន្តរជាតិជាមួយជើងខ្លាំងថៃ Takunsingha នៅសង្វៀនបាយ័នស្ទឺងមានជ័យ ល្ងាចនេះចាប់ពីម៉ោង៧យប់តទៅ។ គូមិត្តភាពមួយទៀតនោះគឺ អ៊ូច ធារិទ្ធ ប៉ះ បូវី ព្រហ្មថាន់ចៃ ៕

វិដេអូ៖