Pep ប្រាប់កូនក្រុមថា ការឈឺចាប់នៅ UCL អាចជំរុញពួកគេឲ្យឈ្នះ Premier League

2019-04-20 04:27:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការរបស់ Manchester City លោក Pep Guardiola បាននិយាយលើកទឹកចិត្តដល់កូនកុំឲ្យអស់សង្ឃឹម ក្រោយធ្លាក់ពីពានរង្វាន់ Champion League យ៉ាងឈឺចាប់ដោយសារក្រុមរួមលីគ Spurs។

ការប្រកួតកាលពីថ្ងៃពុធជាសុបិនដ៏អាក្រក់មួយសម្រាប់ Manchester City ក្នុងកីឡដ្ឋាន Etihad Stadium ដោយធ្លាក់ត្រឹមវគ្គ៨ក្រុម ផ្ទុយពីក្ដីស្រមៃចង់លើកពាន Champion League ជាច្រើនឆ្នាំទៅហើយ។ ការប្រកួតនេះពួកគេយកឈ្នះ ៤-៣ តែសរុបទាំងពីរជើង ៤-៤ ដោយសារតែ Spurs រកបានគ្រាប់ក្រៅដីដូច្នេះពួកគេបានឡើងវគ្គ៤ក្រុមបន្តទៀត។

យ៉ាងណាត្បិតធ្លាក់ពី UCL មែន City នៅសល់ពានធំ Premier League ក្នុងដៃ ដែលត្រូវប្រជែងជាមួយ Liverpool។ សល់៥ប្រកួតចុងក្រោយក្នុងលីគប្រសិនបើក្រុមលោក Pep ឈ្នះទាំងអស់ នោះពួកគេនឹងក្លាយជាម្ចាស់ពាន។ អ្នកចាត់ការសញ្ជាតិអេស្ប៉ាញបានលើកទឹកចិត្តដល់កូនក្រុមថា៖ “រឿងកើតឡើងកាលពីថ្ងៃពុធ ខ្ញុំគិតថាជាផ្នែកមួយនៃជីវិត”។

Pep បន្ត៖ “បាល់ទាត់នឹងជីវិតមិនងាយស្រួលទេ។ យើងត្រូវតែប្រយុទ្ធប្រឆាំង។ ពួកយើងត្រូវតែរស់នៅក្នុងស្ថានភាពនេះនិងទទួលយកវា។ វានឹងនៅក្នុងចិត្តរបស់ពួកយើង ប៉ុន្តែការសម្លឹងទៅក្រោយនឹងជួយពួកយើងបន្តទៅមុខ។ វាជារាត្រីដ៏ស្វិតស្វាញមួយ ប៉ុន្តែនៅថ្ងៃបន្ទាប់ពួកយើងបន្តទៅមុខ។ កីឡាករទាំងអស់មានឱកាសបង្ហាញពួកគេអាចធ្វើបាន។ ពួកគេអាចនឹងទទួលបាននូវអ្វីដែលពួកគេសមតែទទួលបាន"៕

ប្រភព៖ Dailymail ប្រែសម្រួល៖ ហេង សុធារិទ្ធិ