មកមើល វីដេអូពេលប៉ូលិសកំពុងដោះគ្រាប់បែក ស្រាប់តែផ្ទុះឡានស្ដែងៗនៅស្រីលង្ការ (មានវីដេអូ)

2019-04-23 02:33:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុការណ៍ដ៏រន្ធត់មួយបានកើតឡើងដោយឡានដឹកទំនិញពណ៌សមួយគ្រឿងផ្ទុះឡើង ខណៈពេលដែលប៉ូលិសស្រីលង្ការព្យាយាមដោះគ្រាប់បែកនៅក្នុងនោះកាលពីព្រឹកថ្ងៃចន្ទទី ២២ខែមេសានេះ។

យោងតាមសារព័ត៌មានក្នុងតំបន់ឲ្យដឹងថា ប៉ូលិសបានរកឃើញគ្រាប់បែកចំនួន ៣នៅក្នុងឡានក្រោយពេលដែលពលរដ្ឋរាយការណ៍ថាឃើញរថយន្ដនេះចតចោលគួរឲ្យសង្ស័យនៅជិតទីសក្ការបូជា St Anthony ដែលជាគោលដៅវាយប្រហារមួយចាប់តាំងពីថ្ងៃអាទិត្យមក។ កងកម្លាំងពិសេសរបស់ស្រីលង្ការ បានព្យាយាមដោះគ្រាប់បែកទាំងបីនោះ ប៉ុន្តែក្រោយមកក៏សម្រេចចិត្តបំផ្ទុះចោលតែម្ដងដែលបណ្ដាលឲ្យប្រជាជនរត់គេចទាំងភាពភ័យខ្លាច។ យ៉ាងណាមិញ ការបំផ្ទុះគ្រាប់បែកនេះ មិនបណ្ដាលឲ្យមាននរណាម្នាក់រងរបួសនោះទេ ប៉ុន្តែបានបង្កឲ្យមានការភ័យខ្លាចថាអាចនឹងមានគ្រាប់បែកបង្កប់នៅកន្លែងជាច្រើនទៀតទូទាំងប្រទេសដែលប៉ូលិសមិនទាន់រកឃើញ។

គួរឲ្យដឹងថា ហេតុការណ៍ផ្ទុះគ្រាប់បែកក្នុងឡានដឹកទំនិញពណ៌សនេះ កើតឡើងរយៈពេលពីរថ្ងៃប៉ុណ្ណោះក្រោយពេលដែលមានការវាយប្រហារបំផ្ទុះគ្រាប់បែកនៅវិហារកាតូលិកចំនួន៣ និងសណ្ឋាគារធំៗ៣កន្លែងកាលពីថ្ងៃសៅរ៍សប្ដាហ៍មុនដែលបណ្ដាលឲ្យមនុស្សយ៉ាងហោច ២៩០នាក់ស្លាប់ និងជាង ៥០០នាក់ផ្សេងទៀតរងរបួស៕