មុនជួលផ្ទះ គួរមើលឲ្យមែនទែន! បើឃើញសញ្ញាចម្លែកទាំង ៦នេះ ត្រូវដាក់មេផាយភ្លាម
- 2019-04-23 03:27:14
- ចំនួនមតិ 0 | ចំនួនចែករំលែក 0
មុនជួលផ្ទះ គួរមើលឲ្យមែនទែន! បើឃើញសញ្ញាចម្លែកទាំង ៦នេះ ត្រូវដាក់មេផាយភ្លាម
ចន្លោះមិនឃើញ
ដោយសារតែថវិកាមានកំណត់ បូករួមនឹងតម្លៃអចលនទ្រព្យឡើងថ្លៃ និងដើម្បីងាយស្រួលធ្វើដំណើរមកធ្វើការផងនោះ មនុស្សជាច្រើនចាំបាច់ត្រូវជួលផ្ទះដើម្បីស្នាក់នៅ។ នៅពេលទៅជួលផ្ទះ អ្នកត្រូវចាប់អារម្មណ៍រឿងទាំងនេះ ដើម្បីកុំឲ្យខុសក្បួនហុងស៊ុយ នាំស៊យដល់ខ្លួន។
១. ជៀសវាងបន្ទប់គ្មានបង្អួច
ទោះបន្ទប់តូចដល់ថ្នាក់ណាក៏ដោយ បើគ្មានបង្អួចទេមិនអាចបញ្ចេញបញ្ចូលចំហាយអាក្រក់បានឡើយ ធ្វើឲ្យបន្ទប់ថប់ចុងដង្ហើម នាំតែរឿងអាក្រក់ដល់អ្នកជួល។
២. មានកញ្ចក់៨ទិស ឬបិទយ័នពេញផ្ទះ
ផ្ទះជួលដែលមានកញ្ចក់៨ទិស ឬបិទយ័នពេញផ្ទះសុទ្ធតែមានបញ្ហាទើបធ្វើឲ្យម្ចាស់ផ្ទះធ្វើបែបនេះ។ ដាច់ខាតមិនគួរជួលឡើយប្រសិនបើឃើញដូចនេះ។ ក្រៅពីនេះ មុនជួលក៏គួរសួរអ្នកជិតខាងថា ផ្ទះនេះធ្លាប់មានបញ្ហាអ្វីពីមុនឬអត់ ព្រោះការពារប្រសើរជាងព្យាបាល។
៣. បន្ទប់ទឹក ឬបង្គន់ទល់មុខផ្លូវចេញចូល
ប្រសិនជាដើរចូលផ្ទះ ហើយឃើញបន្ទប់ទឹកនៅទល់មុខផ្លូវដើរតែម្ដង ត្រូវជៀសជួលផ្ទះបែបនេះ ប្រយ័ត្នជួបរឿងស៊យ ព្រោះផ្ទះប្រភេទនេះនឹងធ្វើឲ្យអ្នកនៅមានសុខភាពខ្សោយ និងបញ្ហាលុយកាក់។
៤. ផ្ទះជិតវាលកប់ខ្មោច ឬចេតិយ
តាមហុងស៊ុយផ្ទះសម្បែង ផ្ទះដែលនៅជិតតំបន់ឥទ្ធិពលអាក្រក់ដូចជាមន្ទីរពេទ្យ វិហារ គុក ជាពិសេសគឺវាលកប់ខ្មោចគឺមិនល្អឡើយសម្រាប់អ្នកនៅ ព្រោះវានឹងប៉ះពាល់ដល់សតិអារម្មណ៍ ធ្វើឲ្យចិត្តមិនស្ងប់។
៥. ផ្ទះដែលមានរូបរាងមិនប្រក្រតី
ពេលរើសផ្ទះជួល ក៏រើសផ្ទះដែលមានរាងច្បាស់លាស់ដូចជាជ្រុង ចតុកោណកែងជាដើម។ ជៀសវាងជួលផ្ទះកញ្ឆក ឬវៀច ព្រោះផ្ទះបែបនេះនឹងប៉ះពាល់ដល់ការងារ និងរឿងរៀនសូត្ររបស់អ្នកនៅ។
៦. ជៀសវាងជួលផ្ទះទុកចោលយូរ
ផ្ទះដែលទុកចោលយូរ អាចត្រូវអ្នកអរូបិយខ្ចីនៅ ឬយកធ្វើជាផ្ទះខ្លួន។ បើជ្រុលជាចូលនៅត្រូវសែនបន់ស្រន់សុំចូលនៅ កុំឲ្យមករំខានកន្លែងដែលគេកំពុងនៅ។
៧. ផ្ទះចំផ្លូវបំបែកជាបី
ផ្ទះបែបនេះត្រូវគេវាយតម្លៃថានឹងធ្វើឲ្យលាភចេញពីផ្ទះអស់ ធ្វើឲ្យអ្នកស្នាក់នៅតែមិនស្រួលខ្លួន ឥទ្ធិពលអាក្រក់បុកចូលពេញផ្ទះ។ តែបើអស់ជម្រើស ហើយត្រូវស្នាក់នៅផ្ទះដូចនេះ អាចបញ្ជៀសបានខ្លះដោយដាក់កណ្ដឹងខ្យល់នៅកណ្ដាលបន្ទប់ទទួលភ្ញៀវឲ្យជួយស្រូបចំណាយអាក្រក់ខ្លះ៕