អ្នកណាមិនស្គាល់ ឌឹម សារិទ្ធ ឥលូវទើបផ្ដួលសិស្ស ឡុង សាលវ័ន្ត ឲ្យសន្លប់សប្ដាហ៍មុនទៀតហើយ
- 2019-04-23 03:46:47
- ចំនួនមតិ 0 | ចំនួនចែករំលែក 0
អ្នកណាមិនស្គាល់ ឌឹម សារិទ្ធ ឥលូវទើបផ្ដួលសិស្ស ឡុង សាលវ័ន្ត ឲ្យសន្លប់សប្ដាហ៍មុនទៀតហើយ
ចន្លោះមិនឃើញ
កីឡាករល្អកណ្ដាប់ដៃ ឌឹម សារិទ្ធ អ្នកណាមិនល្បីដៃធ្ងន់ ឈ្នះជាង៣០ប្រកួតជាប់គ្នា ឥលូវទើបផ្ដួលកូនសិស្ស ឡុង សាលវ័ន្ត កាលពីថ្ងៃសៅរ៍ សប្ដាហ៍នេះនៅសង្វៀន TV5។
ឌឹម សារិទ្ធ ជាអ្នកប្រដាល់ម្នាក់ដែលអ្នកនិយមគុនខ្មែរទទួលស្គាល់ថាល្អកណ្ដាប់ដៃ មានដៃគូច្រើននាក់មកហើយដែលសន្លប់ក្រោមថ្វីដៃកូនសិស្សលោក ធន់ សុភា ខាងលើនេះ។ សម្រាប់ការប្រកួតចុងក្រោយរបស់ សារិទ្ធ កាលពីថ្ងៃសៅរ៍កន្លងទៅនេះ ដែលផ្ដួល យ៉ន ពិសី ឲ្យសន្លប់ក្នុងទឹកទី៣នេះគឺជក់ចិត្តមែនទែនរវាងអ្នកទាំងពីរ។
សិស្សគុនរបស់ ធន់ សុភា ខាងលើនេះ មិនសូវស្ទាបស្ទង់យូរហើយ ចូលវ៉ៃតាំងតែពីទឹកទី១មកម្ល៉េះ បើទោះជាបានផលខ្លះ និងត្រូវដៃគូចាប់វ៉ៃជង្គង់ និងតបតយ៉ាងណាក៏មិនបង្អាក់ចិត្តចូលវ៉ៃនោះដែរ។ អ្នកគុនខ្មែរខាងលើនេះ គឺធន់និងស្នៀតប្រយុទ្ធរបស់ដៃគូ ទោះត្រូវច្រើន មិនថាកណ្ដាប់ដៃ កែង ជង្គង់ ការទាត់នោះឡើយ ប៉ុន្តែនៅតែមិនស្រុត ហើយរក្សាកម្លាំងនៅដដែលទៀតផង។ ការប្រកួតឈានដល់ទឹកទី៣ ឪពុករបស់ ឌឹម សារម្យ រូបនេះពិតជាធ្វើបានល្អណាស់ ដោយប្រើទម្ងន់កណ្ដាប់ដៃរបស់គេផ្ដួលដៃគូឲ្យសន្លប់ត្រឹមទឹកទី៣តែម្ដង។
រំលឹកដែរថា កីឡាករ ឌឹម សារិទ្ធ ជាកូនសិស្សរបស់លោក ធន់ សុភា មកពីសមាគមប្រដាល់ក្រសួងការពារជាតិ និងជាឪពុកបង្កើតរបស់ ឌឹម សារម្យ ផងដែរ។ ប្រកួតចុងក្រោយផ្ដួល យ៉ន ពិសី ឲ្យសន្លប់ក្នុងទឹកទី៣នៃកម្មវិធីប្រដាល់ TV5 កាលពីថ្ងៃសៅរ៍ ទី២០ មេសា ២០១៩ កន្លងទៅនេះ៕
វីដេអូ៖
James Milner តាំងចិត្តគាំទ្រខាង Man Utd ពេលជួប Man City
មិនមែន Ronaldo ឬ Messi ទេ កីឡាករជោគជ័យបំផុតក្នុងប្រវត្តិសាស្ត្របាល់ទាត់គឺ Alves