Zidane នឹងដាក់ Bale ឱ្យលេងខ្សែការពារវិញ បើគ្មានក្លឹបណាទិញយកទេនោះ

2019-04-24 02:48:30
ចំនួនមតិ 0 | ចំនួនចែករំលែក 0

ចន្លោះមិនឃើញ

Bale ត្រូវបានក្លឹប Real Madrid បញ្ចូលឈ្មោះក្នុងបញ្ជីដាក់លក់ និងឱ្យក្លឹបដទៃខ្ចីជើងហើយ ក្រោយពីរូបគេលេងអន់ពេកនារដូវកាលនេះ មិនសមនឹងតម្លៃពលកម្មរបស់ខ្លួន។

បើទោះជាបានប្រកាសយ៉ាងនេះក្ដី ប៉ុន្តែរហូតមកដល់បច្ចុប្បន្ននេះនៅមិនទាន់មានក្រុមណាមួយ បង្ហាញការចាប់អារម្មណ៍នៅឡើយទេ។ ប្រសិនបើគ្មានក្លឹបណាទិញយកនារដូវក្ដៅខាងមុខ លោក Zidane នឹងផ្លាស់ប្ដូរ Role លេងរបស់កីឡាករវែលរូបនេះហើយ។ រូបគេនឹងធ្លាក់ទៅលេងខ្សែការពារស្លាបវិញ ដូចអ្វីដែលខ្លួនធ្លាប់ធ្វើកាលពីចាប់ផ្ដើមលេងបាល់ដំបូង។

ការផ្លាស់តំបន់លេងនេះ គឺលោក Zidane ធ្វើ ដើម្បីឱ្យមានកន្លែងសម្រាប់ទិញកីឡាករថ្មីចូលនៅតំបន់ប្រយុទ្ធខាងលើ។ ដោយគេជឿជាក់ថា ម្នាក់ដែលមកជំនួសតំណែង Bale នោះ គឺជា Eden Hazard របស់ក្រុម Chelsea ដែលក្លឹប Real Madrid កំពុងតាមទិញ។

សូមបញ្ជាក់ថាមូលហេតុដែលមិនមានក្លឹបទាក់ទងទិញកីឡាករវ័យ២៩ឆ្នាំខាងលើ គឺមកពីតម្លៃផ្ដាច់កុងត្រារបស់គេ ត្រូវក្លឹប Real Madrid ដាក់ដល់ ១១៣លានផោនឯណោះ។ យោងតាមតម្លៃនេះ និងទម្រង់លេងបច្ចុប្បន្ន គឺគ្មានក្រុមណាមួយចាប់អារម្មណ៍ឡើយ៕

ប្រភព៖ Dailymail ប្រែសម្រួល៖ មុន្នីរម្យ