Pep ថា Man City មិនទាន់ឈ្នះពានទេ ឈ្នះតែ Man Utd ប៉ុណ្ណោះ
- 2019-04-25 02:21:50
- ចំនួនមតិ 0 | ចំនួនចែករំលែក 0
Pep ថា Man City មិនទាន់ឈ្នះពានទេ ឈ្នះតែ Man Utd ប៉ុណ្ណោះ
ចន្លោះមិនឃើញ
Pep Guardiola បានប្រាប់ឲ្យកីឡាករទាំងអស់កុំជ្រួលច្របល់ និងគិតថាខ្លួនឯងបានឈ្នះពានព្រោះមែនទែនទៅពួកគេឈ្នះតែ Manchester United ប៉ុណ្ណោះខណៈការប្រកួតនៅសល់៣សប្ដាហ៍ទៀតទើបដឹងស.ខ្មៅ។
ឱកាសលេង Champions League រដូវកាលក្រោយរបស់ Manchester United ហាក់សង្ឃឹមកាន់តែតិចទៅៗក្រោយពួកគេប្រកួតចាញ់ Manchester City ០-២ កាលពីយប់មិញ។
"ពួកយើងមិនទាន់ឈ្នះពានទេ គឺសល់៣ប្រកួតទៀត។ ខ្ញុំបានប្រាប់កីឡាករថាកុំអានព័ត៌មានថ្ងៃស្អែក កុំមើលទូរទស្សន៍ គឺត្រូវសម្រាក និងគេងឲ្យគ្រប់គ្រាន់ ដើម្បីប្រកួតទល់នឹង Burnley នៅថ្ងៃអាទិត្យ"។ Pep និយាយដូច្នេះ។
បរាជ័យនៅសប្ដាហ៍ទី៣៥មិនត្រឹមខាតបង់សម្រាប់បិសាចក្រហមទេ តែវារងគ្រោះទាំង Liverpool ទៀតព្រោះតែក្រុមនេះរំពឹងថា Utd អាចយក ឈ្នះគូប្រជែងរបស់ខ្លួនបាន។ គ្រាប់បាល់របស់ Bernardo Silva និង Sané នៅនាទី៥៤ និង៦៦ ជួយ City វិលទៅកាន់កំពូលតារាងវិញនៅសប្ដាហ៍ទី៣៥។
Liverpool ដែលឈរលេខ១ជាច្រើនសប្ដាហ៍ត្រូវធ្លាក់ទៅលេខ២វិញពោល គឺចាញ់ City ចំនួន១ពិន្ទុ រវាង៨៩ និង៨៨ពិន្ទុ។ ៣ប្រកួតបន្ទាប់របស់ហង្សត្រូវប៉ះ Huddersfield, Newcastle និង Wolves ដោយឡែក City វិញត្រូវប៉ះ Burnley, Leicester និង Brighton៕