ម្ចាស់ក្លឹប Angkor Tiger ជឿជាក់ថានឹងឈ្នះក្រុម វិសាខា បាន

2019-04-25 08:19:43
ចំនួនមតិ 0 | ចំនួនចែករំលែក 0

ចន្លោះមិនឃើញ

លីគកំពូលសប្ដាហ៍នេះ គូពិសេសជាងគេគឺក្រុម Angkor Tiger ត្រូវបើកកីឡដ្ឋានរបស់ខ្លួននៅខេត្តសៀមរាបស្វាគមន៍ក្រុមភ្ញៀវ វិសាខា នៅថ្ងៃអាទិត្យចុងសប្ដាហ៍នេះ។

Tiger នារដូវកាលនេះ ហាក់បង្ហាញភាពខ្លាំងរបស់ខ្លួន និងបង្កើតបានជាក្រុមអ្នកគាំទ្រដ៏អស្ចារ្យក្នុងលីគកម្ពុជា។ ជាក់ស្ដែងកាលលេងទល់ក្រុមបឹងកេត ពួកគេអាចតាមបានស្មើ និងបង្កើតកំណត់ត្រាមានអ្នកទស្សនាដល់ជាង៣ពាន់នាក់ឯណោះ។ ដូច្នេះហើយ ប្រកួតប៉ះក្រុមវិសាខា ចុងសប្ដាហ៍នេះ បានធ្វើឱ្យលោក Akihiro Kato ម្ចាស់ក្លឹប Angkor Tiger កាន់តែមានទំនុកចិត្តលើកូនក្រុមថែមទៀត។

លោក Akihiro នឹងត្រលប់ពីជប៉ុនមកទស្សនាការប្រកួតដ៏ពិសេសនេះ។ លោកបានបញ្ជាក់ថា មានភាពជឿជាក់លើកូនក្រុម ថាពួកគេនឹងនាំយកជ័យជម្នះឱ្យអ្នកគាំទ្របាន។ ដូច្នេះហើយ លោកក៏បានស្នើសុំអ្នកគាំទ្របាល់ទាត់ទាំងអស់ កុំភ្លេចចូលរួមទស្សនាការប្រកួតនេះ ដើម្បីបង្កើតកំណត់ត្រាថ្មី ឱ្យបាន៥ពាន់នាក់៕

អត្ថបទ៖ មុន្នីរម្យ