អូស្ត្រាលីប្រកាសសម្លាប់ឆ្មាព្រៃរហូតដល់ទៅ ២លានក្បាល
- 2019-04-26 13:39:16
- ចំនួនមតិ 0 | ចំនួនចែករំលែក 0
អូស្ត្រាលីប្រកាសសម្លាប់ឆ្មាព្រៃរហូតដល់ទៅ ២លានក្បាល
ចន្លោះមិនឃើញ
ប្រទេសអូស្ត្រាលី កាលពីពេលថ្មីៗនេះ បានប្រកាសសម្លាប់សត្វឆ្មាព្រៃ ដោយរដ្ឋាភិបាលចង់សម្លាប់ប្រភេទសត្វនេះចំនួន ២លានក្បាល ត្រឹមឆ្នាំ២០២០។
តំបន់ខ្លះនៃអូស្ត្រាលី ដូចជានៅភាគឦសាននៃរដ្ឋ Queensland មានទាំងក្រុមប្រឹក្សាមួយផ្ដល់ទឹកប្រាក់ចំនួន ១០ដុល្លារ ចំពោះការសម្លាប់ឆ្មាព្រៃមួយក្បាល ដោយយកស្បែកលលាដ៍របស់វាធ្វើជាវត្ថុតាង។ អំពើនេះធ្វើឲ្យអង្គការ PETA (People for the Ethical Treatment of Animals) រិះគន់ថាមានភាពសាហាវឃោរឃៅ។
ឆ្មានេះមានពូជស្រដៀងនឹងពូជឆ្មាស្រុក តែវាមានសមត្ថភាពក្នុងប្រមាញ់បានល្អជាង ដែលសមត្ថភាពនៃការប្រមាញ់របស់វានេះ បានធ្វើឲ្យពូជថនិកសត្វចំនួនលើសពី ២០ពូជ បានបាត់បង់ពីលើផែនដី។ ក្រោមហេតុផលការពារជីវចម្រុះនេះហើយ ទើបមានការប្រកាសឲ្យសម្លាប់សត្វឆ្មាព្រៃក្នុងចំនួនដ៏ច្រើនសន្ធឹកសន្ធាប់បែបនេះ។
ឆ្មាព្រៃត្រូវបានពួកអឺរ៉ុបនាំយកមកទឹកដីអូស្ត្រាលីនៅសតវត្សទី១៧ ហើយចាប់ពីពេលនោះមក ចំនួនឆ្មាព្រៃបានកើនឡើងយ៉ាងខ្លាំង ដោយក្នុងឆ្នាំ២០១៥ មានការព្យាករណ៍ថា ឆ្មានេះមានចំនួន ១៨លានក្បាល៕
អានបន្ត៖
៥ប្រទេស ដែលមានមនុស្សស្លាប់ច្រើនជាងគេក្នុងសង្គ្រាមលោកលើកទី២
ប្រទេសទាំង ១០ដែលចំណាយថវិកាជាតិលើវិស័យយោធាច្រើនបំផុត