ដែនជម្រកសត្វព្រៃស្រែពក ជាទីតាំងប្រវត្តិសាស្រ្តនៃកំណើតសត្វរាប់លានឆ្នាំមុន
- 2019-04-27 08:39:00
- ចំនួនមតិ 0 | ចំនួនចែករំលែក 0
ដែនជម្រកសត្វព្រៃស្រែពក ជាទីតាំងប្រវត្តិសាស្រ្តនៃកំណើតសត្វរាប់លានឆ្នាំមុន
ចន្លោះមិនឃើញ
មន្ទីរបរិស្ថានខេត្តមណ្ឌលគិរីបានដកស្រង់សម្ដីរបស់ប្រធានមន្ទីរថានៅក្នុងដែនជម្រកសត្វព្រៃស្រែពកក្រៅពីធនធនធម្មជាតិនិងសត្វព្រៃដ៏សម្បូរបែប ដែនជម្រកសត្វព្រៃនេះ ក៏ជាទីតាំងប្រវត្តិសាស្ត្រនៃកំណើតសត្វមានជីវិតរាប់សិបលានឆ្នាំមុន។
ប្រភពដដែលបន្តថាតាមរយៈការស្រាវជ្រាវ និងរបកគំហើញថ្មីៗនេះដែលធ្វើឡើងដោយលោកកែវ សុភគ៌ ប្រធានមន្ទីរបរិស្ថានខេត្តមណ្ឌលគិរី លើស្លាកស្នាមនិងសំណល់ផូស៊ីល នៅចំណុចភ្នំពីរ ឋិតក្នុងភូមិសាស្រ្តស្រុកកោះញែក ក្នុងដែនជម្រកសត្វព្រៃស្រែពក បង្ហាញឲ្យឃើញពីវត្តមានបន្សល់ទុកនូវសំណល់ផូស៊ីលជាច្រើនប្រភេទនៅក្នុងដែនជម្រកសត្វព្រៃដ៏មានសក្ដានុពលមួយនេះ។
បើតាមលោកកែវ សុភគ៌ ឲ្យដឹងថា រូបភាពដ៏គួរឲ្យទាក់ទាញនៃផូស៊ីលបានបង្ហាញអំពីស្លាកស្នាមសត្វដែលរស់នៅក្នុងបាតសមុទ្រ ដូចជា ខ្យង លៀស និងមឹកសមុទ្រ ជាដើម។ល។
លោកបញ្ជាក់ថា ក្រៅពីធនធានធម្មជាតិនិងសត្វព្រៃដ៏សម្បូរបែប ដែនជម្រកសត្វព្រៃស្រែពក ក៏ជាទីតាំងប្រវត្តិសាស្រ្តនៃកំណើតសត្វមានជីវិតរាប់សិបលានឆ្នាំមុនផងដែរ។
គួរបញ្ជាក់ថាផូស៊ីល គឺជាសំណល់ ឬស្លាកស្នាមនៃរុក្ខជាតិនិងសត្វដែលកប់ក្នុងសិលាកម្ទេចកំណ។ ផូស៊ីលភាគច្រើនគឺជាសត្វរស់នៅក្នុងបាតសមុទ្រហើយ ផូស៊ីលផ្តល់ព័ត៌មានអំពីទម្រង់ជីវិតសម័យដើម និងរបៀបរស់នៅរបស់ពួកវា៕