ហ្វីលីពីនពិន័យក្រុមហ៊ុនផ្គត់ផ្គង់ទឹក ២១លានដុល្លារ ក្រោយប្រជាជនរាប់លាននាក់ខ្វះទឹកប្រើប្រាស់
- 2019-04-28 02:25:22
- ចំនួនមតិ 0 | ចំនួនចែករំលែក 0
ហ្វីលីពីនពិន័យក្រុមហ៊ុនផ្គត់ផ្គង់ទឹក ២១លានដុល្លារ ក្រោយប្រជាជនរាប់លាននាក់ខ្វះទឹកប្រើប្រាស់
ចន្លោះមិនឃើញ
ភ្នាក់ងារបទប្បញ្ញត្តិទឹករបស់ហ្វីលីពីន បានធ្វើការផាកពិន័យជាង ២១លានដុល្លារលើក្រុមហ៊ុនផ្គត់ផ្គង់ទឹកក្នុងប្រទេសក្រោយពេលដែលប្រជាជនជាង ១,២លាននាក់ខ្វះខាតទឹកប្រើប្រាស់អស់រយៈពេលជាង ១សប្ដាហ៍កាលពីខែមិនាកន្លងទៅ។
យោងតាមភ្នាក់ងារឲ្យដឹងថា ក្រុមហ៊ុនដែលទទួលសិទ្ធិចែកចាយទឹកក្នុងទីក្រុងឈ្មោះ Manila Water បានបរាជ័យក្នុងការអនុវត្តតាមកិច្ចព្រមព្រៀងផ្ដល់សេវាកម្មក្នុងរដ្ឋធានី។ ដោយកាលពីខែមិនាកន្លងទៅ ប្រជាជនជាង ១,២លាននាក់នៅរដ្ឋធានី Manila មិនមានទឹកប្រើប្រាស់គ្រប់គ្រាន់ ឬទឹកចេញតិចជាង ១សប្ដាហ៍។ ចំណែកឯក្រុមហ៊ុន បានធ្វើការបកស្រាយថាដោយសារកម្រិតទឹកក្នុងអាងធ្លាក់ចុះខណៈពេលដែលកំពុងមានភាពរាំងស្ងួត។
យ៉ាងណាមិញ ទាក់ទងនឹងបញ្ហានេះ ភ្នាក់ងារបទប្បញ្ញត្តិទឹករបស់ហ្វីលីពីន បានរកឃើញកង្វះខាតនៃប្រភពទឹក ដែលតម្រូវឲ្យពួកគេធ្វើការអភិវឌ្ឍនូវយុទ្ធសាស្ត្រជាថ្មីដើម្បីបំពេញតម្រូវការរបស់ប្រជាជន៕