Justin Bieber ធ្វើរឿងមួយដាក់ Lisa ធ្វើឲ្យអ្នកគាំទ្រភ្ញាក់ផ្អើលខ្លាំង
- 2019-05-02 01:52:29
- ចំនួនមតិ 0 | ចំនួនចែករំលែក 0
Justin Bieber ធ្វើរឿងមួយដាក់ Lisa ធ្វើឲ្យអ្នកគាំទ្រភ្ញាក់ផ្អើលខ្លាំង
ចន្លោះមិនឃើញ
ក្រុមតារាចម្រៀងកូរ៉េ BLACKPINK កំពុងវាយលុកទីផ្សារលោកខាងលិចយ៉ាងចាស់ដៃ តាមរយៈការប្រគំតន្ត្រីទេសចរណ៍ និងការបង្ហាញវត្តមានក្នុងកម្មវិធីចម្រៀង Coachella ដែលជាកម្មវិធីធំប្រចាំឆ្នាំនៅសហរដ្ឋអាមេរិក។ ការបង្ហាញមុខរបស់ BLACKPINK ធ្វើឲ្យតារាហូលីវូដល្បីៗជាច្រើនចាប់ផ្ដើមក្លាយជាអ្នកគាំទ្ររបស់ក្រុមចម្រៀងចម្រុះជាតិសាសន៍មួយនេះ។
អ្នកគាំទ្រល្បីៗរបស់ក្រុមចម្រៀងផលិតកម្ម YG មួយនេះ មានដូចជាតារាចម្រៀង Dua Lipa, Jaden Smith, Khalid និង James Corden ដែលជាពិធីករទូរទស្សន៍ល្បីមួយរូប ជាដើម។ កាន់តែពិសេសនោះគឺសូម្បីតែ Justin Bieber ក៏បានក្លាយជាអ្នកគាំទ្រក្រុមចម្រៀងនេះដែរ ដោយមុននេះគេប្រទះឃើញម្ចាស់បទ "Sorry” បានចុច Follow គណនី Instagram របស់ Lisa ថែមទៀតផង។
មុនការចុច Follow នេះ Justin Bieber ក៏បានបង្ហោះរូបមួយសន្លឹក ដែលមានមុខ Lisa នៅក្នុងនោះ ដោយនាងបានឈរជិត Jaden Smith ដែលជាមិត្តល្អរបស់ Justin Bieber ផ្ទាល់៕