Huawei ចង់បង្កើតទូរទស្សន៍អេក្រង់ 8K មានភ្ជាប់ជាមួយ 5G
- 2019-05-02 04:30:00
- ចំនួនមតិ 0 | ចំនួនចែករំលែក 0
Huawei ចង់បង្កើតទូរទស្សន៍អេក្រង់ 8K មានភ្ជាប់ជាមួយ 5G
ចន្លោះមិនឃើញ
បន្ទាប់ពីប្រកាសចេញស្មាតហ្វូន Mate X បត់បាននិងបំពាក់បច្ចេកវិទ្យាប្រព័ន្ធអ៊ិនធើណិត 5G មុនគេ ពេលនេះក្រុមហ៊ុន Huawei ចង់បង្កើតទូរទស្សន៍មានគុណភាពកម្រិតបង្ហាញវីដេអូដល់ទៅ 8K មានភ្ជាប់ជាមួយ 5G ក្នុងឆ្នាំ ២០១៩ នេះតែម្ដង។
យោងតាមប្រភពព័ត៌មានពី asia.nikkei បានឲ្យដឹងថា ក្នុងឆ្នាំនេះ ក្រុមហ៊ុនទូរគមនាគមន៍លំដាប់ពិភពលោកមួយនេះ នឹងពិចារណាបញ្ចេញផលិតផលថ្មីប្លែកដែលមិនធ្លាប់មានគឺ ទូរទស្សន៍ទំហំយក្ស 8K ភ្ជាប់ 5G មកលើទីផ្សារអន្តរជាតិ។
បញ្ជាក់ដែរថា កាលពីពេលថ្មីៗនេះ ក្រុមហ៊ុន Samsung ក៏បានបញ្ចេញទូរទស្សន៍ទំហំយក្ស 8K ដែរតែមិនភ្ជាប់ 5G ទេ បានចូលមកលើទីផ្សារមុន ដែលមានតម្លៃចាប់ផ្ដើមពី ៤ ៩៩៩ ដុល្លារ។
ចំណែក Sony ទូរទស្សន៍ដែលអាចបង្ហាញរូបក្នុងកម្រិត 8K ម៉ូដែល Master Series Z9G អេក្រង់ ៨៥ អ៊ីញ មានតម្លៃចាប់ពី ១៣ ០០០ ដុល្លារ ដែលនឹងចេញលក់នៅខែមិថុនាខាងមុខ។
ឆ្នាំ ២០២០ ខាងមុខក្រុមហ៊ុនបច្ចេកវិទ្យាផលិតគ្រឿងគ្រឿងអេឡិចត្រូនិកជប៉ុន ក៏នឹងត្រៀមបញ្ចេញទំហំយក្ស 8K ដែរដើម្បីបំពាក់ក្នុងព្រឹត្តិការណ៍កីឡាអូឡាំពិក ២០២០ នៅទីក្រុងតូក្យូ៕
ក្រុមហ៊ុនបច្ចេកវិទ្យាជាច្រើនផ្សេងទៀត ក៏ដូច្នេះដែរបានត្រៀមលក្ខណៈប្រកួតគ្នាយ៉ាងខ្លាំងលើ ផលិតផលទំហំយក្ស 8K ដូចជា Samsung, LG Electronics, Sharp, TCL និង Hisense (Hisilicon Technologies) ជាដើម៕
អត្ថបទទាក់ទង៖