ស្រីស្អាត សោម ម៉ាល័ក្ខ ដឹកដៃស្វាមីមកលេងស្រុកកំណើតស្ងាត់ៗ ក្រោយបែកប្រមាណ៤ឆ្នាំ

2019-05-02 09:16:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែងក្នុងរឿង "គ្រាប់ពេជ្រ" បានដឹកដៃស្វាមីមកលេងស្រុកស្ងាត់ៗ បន្ទាប់ពីនាងបានដកខ្លួនទៅរស់នៅលើទឹកដីសហរដ្ឋអាមេរិកអស់ពេលជាច្រើនឆ្នាំមកហើយ។

ដំណឹងនេះ បន្ទាប់ពីគេឃើញថ្មីៗនេះ នាងបានបង្ហោះរូបប៉ុន្មានសន្លឹកលើបណ្ដាញសង្គម ក្នុងនោះនាងក៏បានបញ្ជាក់ពីវត្តមានរបស់នាងនៅលើទឹកដីកំណើតផងដែរ។ នេះជាដំណើរលើកទី១ នាឆ្នាំ ២០១៩នេះ ដោយនាងមកជាមួយស្វាមីនាងតែម្ដង។ តាមការបញ្ជាក់របស់សាមីខ្លួន នាងបានមកដល់ប្រទេសកម្ពុជា កាលពីថ្ងៃទី ២៧ មេសា ២០១៩នេះ។

ចំពោះគោលបំណង ម៉ាល័ក្ខ អះអាងថា គឺនាងមក ដើម្បីមកសួរសុខទុក្ខសាច់ញាតិ និងនាំស្វាមីដើរកម្សាន្តនៅស្រុកកំណើតផង។ យ៉ាងណានាងថា នាងក៏មានកិច្ចការសំខាន់មួយទៀតដែរ។ "ខ្ញុំមកនេះ ដើម្បីចូលរួមមង្គលការប្អូនស្រីផងបង ហើយសល់ពេល ដូចអត់មានគម្រោងអីទេ គឺនាំគ្រួសារដើរប៉ុណ្ណឹង!"។ តារាស្រី ថ្លែង។

សោម ម៉ាល័ក្ខ មកលេងប្រទេសកំណើតលើកនេះ មានរយៈពេល១ខែ ក្រោយពីស្វាមីរបស់នាងបានសិទ្ធិសម្រាកពីការងារសម្រាប់វិស្សមកាលក្នុងចំនួនប៉ុណ្ណេះ។ អតីតកូនប្រសាអ្នកស្រី ពាន់ ភួងបុប្ផា បញ្ជាក់ថា ក្រៅពីកិច្ចការងារដូចប្រាប់ពីខាងលើ នាងមិនមានកិច្ចការចាំបាច់ណាមួយទៀតនោះទេ ក្នុងនោះរួមទាំងការងារសិល្បៈផង ត្បិតថា នាងបានសម្រេចដកខ្លួនទៅហើយ។

តារាស្រីសំឡេងស្រួចស្រេះរូបនេះថ្លែងថា តាំងពីទៅដល់សហរដ្ឋអាមេរិក នាងបានទុកការងារសិល្បៈមួយឡែក ព្រោះនាងចង់ផ្ដល់ការស្រឡាញ់ និងយកចិត្តទុកដាក់ចំពោះគ្រួសារក្មេងខ្ចីរបស់នាងជាមុនសិន។ ប្រការនេះ ម៉ាល័ក្ខ បានប្រាប់ថា ដើម្បីតបស្នងទៅនឹងស្វាមីវិញ ដែលកន្លងមក បានផ្ដល់ឲ្យគ្រប់យ៉ាងដល់នាង។ ដូច្នេះហើយ អ្វីដែលនៅសល់ គឺនាងចង់មានពេលឲ្យច្រើនសម្រាប់ក្រុមគ្រួសារនាងមួយនេះ។

សោម ម៉ាល័ក្ខ បានរៀបការជាមួយបុរសនាយសមុទ្រលោក Jonathan C.Nou អាយុ ៤០ ជាវេជ្ជបណ្ឌិតនៅ សហរដ្ឋអាមេរិក នៅពាក់កណ្ដាលឆ្នាំ ២០១៤ឆ្នាំ ក្រោយពីបែកគ្នាជាមួយកូនប្រុសអ្នកស្រី ពាន់ ភួងបុប្ផា ឈ្មោះ ទូច ភួងវីរៈ នៅឆ្នាំ ២០១៣។ លុះដល់ឆ្នាំ ២០១៥ នាងចាកចេញទៅរស់នៅជាមួយស្វាមីនៅសហរដ្ឋអាមេរិកនៅរដ្ឋម៉ារីឡេន។ នៅទីនោះ ដូចប្រាប់ ម៉ាល័ក្ខ បានផ្អាកពីការងារសិល្បៈទាំងស្រុង។

នាង អះអាងថា ជីវភាពរបស់នាងសព្វថ្ងៃ គឺធ្វើជាស្ត្រីមេផ្ទះ ហើយសល់ពេលនាងទៅធ្វើការនៅហាងធ្វើក្រចកដោយពេល ពោលគឺបើចង់ទៅ ក៏ទៅ មិនចង មិនទៅ ព្រោះស្វាមីនាង បានផ្ដល់ឲ្យនាងគ្រប់យ៉ាងហើយ៕

ជារឿងកម្រណាស់ ថៃតាមសុំទិញភាពយន្តភាគរបស់ខ្មែរយកទៅបញ្ចាំងនៅស្រុកគេ

[ស្អាត ញ៉ិកញ៉ក់ មើលទៅគួរឲ្យក្នាញ់ គួរឲ្យស្រឡាញ់ ស្រីនាថ](ស្អាត ញ៉ិកញ៉ក់ មើលទៅគួរឲ្យក្នាញ់ គួរឲ្យស្រឡាញ់ ស្រីនាថ)