Salah របួសក្បាលក្រោយឈ្នះ Newcastle មិនច្បាស់ថាជាទាន់ប្រកួតទល់នឹង Barcelona ឬអត់
- 2019-05-05 08:05:00
- ចំនួនមតិ 0 | ចំនួនចែករំលែក 0
Salah របួសក្បាលក្រោយឈ្នះ Newcastle មិនច្បាស់ថាជាទាន់ប្រកួតទល់នឹង Barcelona ឬអត់
ចន្លោះមិនឃើញ
ខ្សែប្រយុទ្ធ Mohamed Salah មិនប្រាកដថាអាចជាពីរបួសទាន់ប្រកួតជើងទី២ វគ្គពាក់កណ្ដាលផ្ដាច់ព្រ័ត្រនៃក្របខ័ណ្ឌ Champions League ទល់នឹងក្រុម Barcelona ឬយ៉ាងណាទេ ក្រោយរបួសក្បាលបន្ទាប់ពីជ័យជម្នះ ៣-២ លើ Newcastle។
បញ្ហានេះអាចនឹងដាក់សម្ពាធលើ Jurgen Klopp ខណៈដែល Roberto Firmino ដែលរហែកសាច់ដុំកាលពីសប្ដាហ៍មុន ប៉ុន្តែអាចចូលលេងវិញបានត្រឹម១១នាទីនៅមុនបញ្ចាប់តង់ទី២ប៉ុណ្ណោះ នៅលើទឹកដី Nou Camp។
ប្រសិនបើ Salah កីឡាកររកគ្រាប់បាល់បានច្រើនជាងគេ ហើយស៊ុតគ្រាប់ទី២៦របស់ខ្លួននៅ កីឡដ្ឋាន St James’ Park អវត្តមាននៅរាត្រីថ្ងៃអង្គារមែន នោះក្តីសង្ឃឹមរបស់ហង្សក្រហមនឹងកាន់តែខើច។
កីឡាករអេហ្ស៊ីបរងរបួស ក្រោយការប៉ះទង្គិចជាមួយ អ្នកចាំទី Martin Dubravka និង បានសម្រាកព្យាបាលប៉ុន្មាននាទីលើទីលានមុន Salah យកដៃខ្ទប់មុខដើរចេញ។
Klopp នៅតែមានសុទិដ្ឋិនិយមថាកីឡាករវ័យ ២៦ ឆ្នាំនឹងអាចចូលប្រកួតវិញទាន់ពេលនៅ Anfield។ "គាត់ប៉ះទង្គិចចំក្បាលជាមួយអ្នកចាំទី ហើយបន្ទាប់មកគាត់ក៏ធ្លាក់ទៅលើដី"។ Klopp បាននិយាយ។
"គ្រូពេទ្យត្រូវធ្វើការសម្រេចចិត្តថាតើឲ្យបន្ត ឬ មិនឲ្យគាត់ប្រកួត ហើយការសម្រេចចិត្តគឺបញ្ឈប់គាត់ពីការប្រកួត ហើយយើងត្រូវតែទទួលយកការសម្រេចចិត្តនេះ"។
"នៅពេលដែលយើងចូលក្នុង គាត់កំពុងអង្គុយនៅក្នុងបន្ទប់ផ្លាស់សំលៀកបំពាក់ ហើយអង្គុយមើលការប្រកួត។ ក្រោយមកគាត់ក៏រាងធូរស្រាលបន្តិច ប៉ុន្តែយើងត្រូវតែរង់ចាំ។ គាត់របួសមិនសូវខ្លាំងទេ ក្នុងស្ថានភាពប៉ះទង្គិចនេះ"៕
អាន៖ ក្លឹបដ៏គួរឲ្យស្អប់បំផុតនៅ Premier League អ្នកគាំទ្របោះឲ្យ Chelsea, Liverpool និង Man Utd
អាន៖ Salah បំបែកកំណត់ត្រា របស់ Torres នៅ Liverpool