មកស្គាល់ របស់ ៨យ៉ាង អ្នកគួរជៀសវាងប្រើប្រាស់ពេលជិះយន្តហោះ

2019-05-06 08:34:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើដំណើរតាមផ្លូវអាកាស មិនដូចជិះរថយន្តក្រុងឡើយ ព្រោះត្រូវការពារសុវត្ថិភាពចាំបាច់ ហើយមានរឿងរ៉ាវមួយចំនួនដែលអ្នកគួរដឹង និងប្រុងប្រយ័ត្នផងដែរ។ ខាងក្រោមនេះ គឺជារបស់ទាំង ៨យ៉ាងដែលអ្នកគួរជៀសវាងប្រើប្រាស់ពេលជិះយន្តហោះ៖

១. ទឹកអប់

នៅពេលកំពុងហោះហើរ អ្នកមិនគួរប្រើប្រាស់ទឹកអប់មានក្លិនខ្លាំងនោះទេ ដោយសារតែអ្នកដំណើរផ្សេងក្នុងយន្តហោះអាចមានអារម្មណ៍មិនល្អ ហើយអ្នកខ្លះទៀតអាចប្រតិកម្មជាមួយក្លិនទឹកអប់និងមានជំងឺហឺតជាដើម។

២. ខោអាវរឹបៗ

ប្រសិនបើជើងហោះហើររបស់អ្នកមានរយៈពេលយូរជាង ៤ម៉ោង អ្នកមិនគួរស្លៀកពាក់ខោអាវរឹបៗនោះទេ ព្រោះវាអាចបង្កអោយមានការកកឈាមក្នុងសរសៃជ្រៅដែលជាធម្មតាកើតឡើងចំពោះជើងរបស់អ្នក។

៣. របស់របររញ៉េរញ៉ៃ

ប្រសិនបើអ្នកស្លៀករ៉ូប ឬសំលៀកបំពាក់ដែលមានឡេវនិងរូតច្រើន វាអាចធ្វើអោយអ្នកលំបាកពេលចូលបន្ទប់ទឹកនៅលើយន្តហោះ ដោយសារតែវាជាបន្ទប់តូចហើយអ្នកនឹងត្រូវចំណាយពេលយូរ។

៤. ខោអាវ ឬគ្រឿងអលង្ការមានជាតិលោហៈ

ស្បែកជើងដែលមានគ្រឿងតុបតែងដោយលោហៈ និងគ្រឿងអលង្ការដែកអាចពន្យារពេលរបស់អ្នកដោយសារតែអ្នកត្រូវបានតម្រូវឲ្យដោះវាចេញដើម្បីត្រួតពិនិត្យ។

៥. ខោអាវវាល

ទោះបីជាអ្នកកំពុងធ្វើដំណើរទៅកាន់ប្រទេសក្ដៅក៏ដោយ អ្នកមិនគួរស្លៀកពាក់ខោអាវវាលនោះទេ ព្រោះសីតុណ្ហភាពក្នុងយន្តហោះអាចចុះត្រជាក់ជាងពេលធម្មតា។ ដូចនេះជាការល្អ អ្នកគួរតែស្លៀកពាក់ឲ្យបានជិតដើម្បីការពារខ្លួនពីជំងឺផ្សេងៗ។

៦. Lenses ភ្នែក

ប្រសិនបើអ្នកធ្វើដំណើររយៈពេលយូរ អ្នកគួរតែដោះ Lense ចេញ ជាពិសេសនៅពេលដែលអ្នកគេងព្រោះជាទូទៅ នៅក្នុងយន្តហោះមានសំណើមតិចជាងខាងក្រៅ ២០% ដែលអាចធ្វើឲ្យ Lense របស់អ្នកស្ងួតយ៉ាងឆាប់រហ័ស។

៧. ស្បែកជើងកែង

សន្តិសុខនៅព្រលានយន្តហោះនឹងសុំឲ្យអ្នកដោះស្បែកជើងកែងចេញ ដោយសារតែវាអាចផ្ទុករបស់ហាមឃាត់ និងមានជាតិលោហៈធាតុដែលអាចបញ្ឈប់សំឡេងរោទ៍ប្រកាសអាសន្ន។ គ្មាននរណាម្នាក់ចង់ដើរដោះស្បែកជើងក្នុងប្រលានយន្តហោះនោះទេ ដូចនេះអ្នកមិនគួរពាក់ស្បែកជើងកែងនោះទេ។

៨. អាវយឺតដែលមានសរសេរពាក្យមិនសមរម្យ

អ្នកប្រហែលជាមិនជឿនោះទេ ប៉ុន្តែមានមនុស្សមួយចំនួនត្រូវបានបណ្ដេញចេញពីជើងហោះហើរដោយសារតែការស្លៀកពាក់របស់ពួកគេ ក្រោមហេតុផលមួយចំនួនដូចជា ខោអាវស្ដើងពេក ឬខើចពេក ខោរឹបខ្លាំង និងអាវយឺតដែលមានសរសេរពាក្យមិនសមរម្យជាដើម៕