Premier League ត្រៀមពាន២ និងមេដាយ២ឈុតសម្រាប់ថ្ងៃចុងក្រោយ
- 2019-05-07 08:33:07
- ចំនួនមតិ 0 | ចំនួនចែករំលែក 0
Premier League ត្រៀមពាន២ និងមេដាយ២ឈុតសម្រាប់ថ្ងៃចុងក្រោយ
ចន្លោះមិនឃើញ
ក្របខ័ណ្ឌកំពូលអង់គ្លេសនឹងបិទទ្វារសម្រាប់រដូវកាល២០១៨/២០១៩ នៅចុងសប្ដាហ៍នេះហើយ ក្រោយដំណើរការប្រកួតអស់៣៧សប្ដាហ៍កន្លងមក។
បើទោះជាប្រកួតអស់ពេល១០ខែទៅហើយក្ដី តែក្របខ័ណ្ឌដ៏មានឥទ្ធិពលបំផុតក្នុងពិភពលោកនេះនៅមិនទាន់រកឃើញជើងឯកនៅឡើយដោយសារយក្ស២មាន Manchester City និង Liverpool នៅប្រទាញប្រទង់គ្នានៅឡើយពោលគឺខុសត្រូវតែមួយពិន្ទុប៉ុណ្ណោះ។
នៅសប្ដាហ៍ចុងក្រោយទី៣៨បើ City ឈ្នះ Brighton នោះនឹងលើកពានតែម្ដង ប៉ុន្តែបើភ្លាត់ស្មើឬចាញ់ ហើយ Liverpool ឈ្នះ Wolves នោះ ពាននឹងធ្លាក់ទៅលើដៃ Liverpool វិញ។ ដូច្នេះដើម្បីដោះស្រាយបញ្ហានេះស្ថាប័ន Premier League នឹងរៀបពាន២ និងមេដាយ២ឈុត។
ពាន និងមេដាយ១ឈុត គឺទុកនៅ Anfield ក្នុងករណី Liverpool ក្លាយជាជើងឯកគឺនឹងប្រារព្ធពិធីនៅទីនោះ ដោយឡែកពាននិងមេដាយ១ឈុតទៀតគឺទុកនៅកីឡដ្ឋាន American Express Community សម្រាប់ប្រើករណី Man City ឈ្នះ Brighton នឹងធ្វើពិធីនៅទីនោះដូចគ្នា៕