អ្នកផលិតរឿង Titanic សរសើរដល់ Marvel អាចពន្លិចកប៉ាល់របស់ខ្លួន
- 2019-05-10 03:49:45
- ចំនួនមតិ 0 | ចំនួនចែករំលែក 0
អ្នកផលិតរឿង Titanic សរសើរដល់ Marvel អាចពន្លិចកប៉ាល់របស់ខ្លួន
ចន្លោះមិនឃើញ
លោក James Cameron ជាផលិតករភាពយន្តល្បីឈ្មោះមួយរូប ដែលបានរិះគន់ខ្សែភាពយន្ត Mavel Cinematic Universe កាលពីឆ្នាំមុន បានផ្លាស់ប្ដូរ ៣៦០ ដឺក្រេ ទៅកោតសរសើរនិងសាទរដល់ប្រធានផលិតកម្ម Marvel Studios លោក Kevin Feige នូវជោគជ័យរបស់ Avengers: Endgame។
តាមរយៈគណនី Twitter របស់ខ្លួន លោក James បានសរសេរបែបនេះថា ៖ "ជូនចំពោះ Kevin និងគ្រប់គ្នានៅ Marvel។ ផ្ទាំងទឹកកកមួយ បានពន្លិចកប៉ាល់ Titanic ពិត ហើយ Avengers បានពន្លិចកប៉ាល់ Titanic របស់ខ្ញុំ។ គ្រប់គ្នានៅផលិតកម្ម Lightstorm នេះ សុំសរសើរដល់សមិទ្ធផលដ៏អស្ចារ្យរបស់អ្នក។ អ្នកបានបង្ហាញថាសហគ្រាសភាពយន្ត មិនត្រឹមតែនៅមានជីវិតប៉ុណ្ណោះទេ ប៉ុន្តែវាមានទំហំធំខ្លាំងបំផុត”។
សាររបស់លោក James មានអមជាមួយរូបភាពមួយសន្លឹកដែលបង្ហាញកប៉ាល់ Titanic បានបុកជាមួយនឹងស្លាកសញ្ញា Avengers ដែលធ្វើឲ្យកប៉ាល់ត្រូវបានលិច។ នេះចង់សំដៅដល់ការដណ្ដើមយកតំណែងលេខ ២ ពីខ្សែភាពយន្ត Titanic របស់ភាពយន្ត Avengers: Endgame នៅតារាង Box Office។
គួរដឹងថានៅព្រឹកថ្ងៃទី ៦ ខែឧសភា ខ្សែភាពយន្ត Avengers: Endgame អាចរកចំណូលបានខ្ទង់ ២ ១៨៩ លានដុល្លារ ដែលអាចទាញទម្លាក់ខ្សែភាពយន្ត Titanic ចេញឆ្នាំ ១៩៩៧ ដើម្បីឈរតំណែងលេខ ២ ជាខ្សែភាពយន្តរកចំណូលបានច្រើនជាងគេក្នុងប្រវត្តិសាស្ត្រ៕