លក់យកធ្វើអ្នកមាន iPod ជំនាន់ដំបូង ប្រកាសដាក់ដេញថ្លៃខ្ពស់ជាងតម្លៃដើម ៥០ ដង
- 2019-05-13 01:32:00
- ចំនួនមតិ 0 | ចំនួនចែករំលែក 0
លក់យកធ្វើអ្នកមាន iPod ជំនាន់ដំបូង ប្រកាសដាក់ដេញថ្លៃខ្ពស់ជាងតម្លៃដើម ៥០ ដង
ចន្លោះមិនឃើញ
ឧបករណ៍ចាក់តន្រ្តីឲ្យឈ្មោះថា iPod ចេញផ្សាយកាលពីឆ្នាំ ១៨ ឆ្នាំមុន ត្រូវបានគេដឹងថាមិនទាន់បាត់មុខពីពិភពលោកនេះនៅឡើយ ពោលគឺនៅតែមានដាក់លក់ក្នុងសភាពថ្មីមិនទាន់ហែកពីប្រអប់ ប៉ុន្តែតម្លៃខុសដាច់ឆ្ងាយធៀបនឹងពេលមុន។
លើគេហទំព័រ eBay មានប្រកាសពីការដេញថ្លៃ iPod ដែលចេញផ្សាយនាខែតុលា ឆ្នាំ ២០០១ ជំនាន់លោក Steve Jobs ដោយតម្លៃដើមត្រឹម ៣៩៩ ដុល្លារ តែមកទល់ពេលបច្ចុប្បន្ននេះដាក់លក់ក្នុងតម្លៃខ្ពស់ដល់ ១៩ ៩៩៥ ដុល្លារ ពោលគឺខុសគ្នាប្រមាណ ៥០ ដងឯណោះ។
ឧបករណ៍នេះមានផ្ទុកអង្គចងចាំ 5GB ក្រោមពាក្យស្លោករបស់ Jobs ធ្លាប់លើកឡើងថា៖ "ចម្រៀង ១ ០០០ បទស្ថិតក្នុងហោប៉ៅរបស់អ្នក" សម្គាល់ដល់ iPod ដែលមានទម្រង់រាងជ្រុង បំពាក់អេក្រង់ LCD សខ្មៅ ទំហំ ២ អ៊ីញ រាល់ការបញ្ជាចុចលើប៊ូតុង និងប្រើប្រាស់បានយូរដល់រយៈពេល ១០ ម៉ោង។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: