តាមពិតវីរបុរសពាក់លេខ៧នៅ Man Utd ម្នាក់ ជា Idol របស់ Griezmann
- 2019-05-16 07:41:37
- ចំនួនមតិ 0 | ចំនួនចែករំលែក 0
តាមពិតវីរបុរសពាក់លេខ៧នៅ Man Utd ម្នាក់ ជា Idol របស់ Griezmann
ចន្លោះមិនឃើញ
Antoine Griezmann បានចង្អុលឈ្មោះវីរបុរសរបស់ Manchester United គឺ David Beckhma ជាកីឡាករគំរូរបស់គេ ហើយតែងតែចង់ធ្វើអ្វីៗតាមជានិច្ច។
កីឡាករវ័យ២៨ឆ្នាំបានសម្រេចចិត្តចាកចេញពី Atletico Madrid ហើយអាចនឹងទៅចូលរួមជាមួយ Barcelona បន្ទាប់ពីចំណាយពេល៥រដូវកាលនៅទីក្រុង Madrid ដោយធ្លាប់ឈ្នះ La Liga និងឡើងដល់ផ្ដាច់ព្រ័ត្រ Champions League។ សមាជិកឈ្នះ World Cup ជាមួយបារាំងបាននិយាយសរសើរថា Beckham ល្អទាំងក្នុងនិងក្រៅទីលាន។
គេពាក់អាវលេខ៧នៅក្លឹបនិងជម្រើសជាតិ ព្រោះតែ Beckham។ "Beckham ជាកីឡាករមានប្រជាប្រិយភាពពិតៗក្នុងបាល់ទាត់។ តាមរយៈរូបរាងនិងលក្ខណៈសម្បត្តិ ហើយគេក៏មានតម្លៃក្នុងពិភពម៉ូដនិងការផ្សាយពាណិជ្ជកម្ម។ ហើយគេជា គំរូរបស់ខ្ញុំ។ គេជាកីឡាករតែមួយគត់ខ្ញុំចង់លេងជាមួយខ្លាំងជាងគេ"។ សម្ដីរបស់ Griezmann។
ប្រភពនៅអេស្ប៉ាញបានបញ្ជាក់ថា Griezmann ចាកចេញពី AT Madrid នេះ គឺដើម្បីទៅចូលរួមជាមួយក្រុម Barcelona នេះឯង ក្នុងតម្លៃខ្លួន១០៤លានផោន។ ការចុះកុងត្រាអាចនឹងកើតមានឡើងនៅដើមខែក្រោយនេះ៕