ជម្រើសរើសជាតិបាល់ទះកម្ពុជា ត្រៀមចេញទៅវ៉ៃមិត្តភាពសន្សំបទពិសោធនៅថៃ

2019-05-17 06:44:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទះជម្រើសរើសជាតិកម្ពុជា នឹងត្រូវទៅប្រកួតមិត្តភាពអន្តរជាតិសន្សំបទពិសោធនៅប្រទេសថៃចាប់ពីស្អែកនេះ។

ក្រុមជម្រើសជាតិបាល់ទះ

លោក Jun Li គ្រូជម្រើសជាតិបាល់ទះកម្ពុជាបានឲ្យដឹងថា ស្អែកព្រឹកនេះរូបលោកផ្ទាល់ និងគ្រូជំនួយ រួមទាំងកីឡាករនឹងចេញដំណើរតាមយន្តហោះទៅប្រទេសថៃដើម្បីប្រកួតមិត្តភាពអន្តរជាតិចំនួន៥ប្រកួតនៅទីនោះ។ គ្រូបាល់ទះវ័យ៣៨ឆ្នាំរូបនេះបន្ថែមទៀតថា គោលបំណងធំនៃការប្រកួតនេះ គឺលោកចង់ដឹងពីភាពរីកចម្រើនរបស់កីឡាករដែលលោកបានបង្ហាត់រយៈពេលប៉ុន្មានខែកន្លងទៅនេះ។

លោកគ្រូ Jun Li

គ្រូបាល់ទះជនជាតិចិនប្រាប់ទៀតថា បើទោះជាប៉ុន្មានថ្ងៃខាងមុខនេះ ជាការប្រកួតមិត្តភាពក៏ដោយ កីឡាករគ្រប់រូបត្រូវតែខំប្រឹងប្រែងឲ្យអស់ពីសមត្ថភាព ដើម្បីទទួលបានជ័យជម្នះផង និងទទួលបានបទពិសោធថ្មីៗផង រួមទាំងកែប្រែចំណុចខ្វះខាតរបស់ខ្លួនដែលកំពុងមាន។

ក្រុមជម្រើសជាតិបាល់ទះ

ក្រុមជម្រើសរើសជាតិបាល់ទះកម្ពុជានឹងត្រូវចេញទៅប្រទេសថៃចាប់ពីថ្ងៃស្អែកទី១៨ ដល់ទី២៩ ខែឧសភា ២០១៩ នេះ។ ពួកគេនឹងត្រូវប្រកួតមិត្តភាពចំនួន៥ប្រកួត ប៉ះជាមួយក្រុមលីគកំពូលបាល់ទះថៃ និងក្រុមជម្រើសរើសជាតិ U-20 ថៃ ផងដែរ៕

អត្ថបទ៖ នួន ស៊ីណា