ឬទ្ធិ សាស្រ្តាវុធ ត្រូវឆ្លងផុត សូត្រ វាសនា ថ្ងៃសៅរ៍នេះទើបឡើងវគ្គបន្ត

2019-05-17 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ជើងថ្មី និងល្បីវ៉ៃក្បាច់ ឬទ្ធិ សាស្រ្តាវុធ នឹងត្រូវតតាំងជាមួយអ្នកប្រដាល់ដៃវែង សូត្រ វាសនា ដើម្បីរកជើងខ្លាំងបានឡើងទៅជុំទី៣ នៃពានរង្វាន់ទម្ងន់ ៥៤គីឡូក្រាមរបស់សង្វៀន TV5។

សាស្រ្តាវុធ ប្រកួតកន្លងទៅ

អ្នកលេងគុនខ្មែរវ័យក្មេងមកពីខេត្តសៀមរាប សាស្រ្តាវុធ ធ្វើឲ្យអ្នកតាមដានប្រដាល់ចាប់អារម្មណ៍ជាខ្លាំងតាមរយៈការប្រកួតកន្លងទៅ និងការបង្ហាញពីចំណាប់អារម្មណ៍លើការប្រកួតរបស់ខ្លួននាកន្លងមកថា «រាល់ការប្រកួតត្រូវវ៉ៃដោយប្រើបញ្ញា»។ ថ្ងៃសៅរ៍ស្អែកនេះជើងខ្លាំងរូបនេះនឹងត្រូវប៉ះគ្នាជាមួយកីឡាករត្រកូល សូត្រ គឺ សូត្រ វាសនា ដើម្បីរកអ្នកឈ្នះបានបន្តដំណើរទៅវគ្គ៨នាក់ចុងក្រោយ។

សាស្រ្តាវុធ ប្រកួតកន្លងទៅ

សូត្រ វាសនា គឺមិនខុសពីបងប្រុសបង្កើត សូត្រ ប៊ុនធី ឬ សូត្រ ខេវិន នោះឡើយ ពោលកម្ពស់ ដៃជើងវែងៗ និងរបៀបវ៉ៃចេញមួយៗដូចគ្នាតែម្ដង។ ប្អូនប្រុស សូត្រ ប៊ុនធី រូបនេះក៏មានស្នៀតចាប់វ៉ៃជង្គង់ល្អផងដែរ ដូច្នេះការប៉ះគ្នាលើកនេះ នឹងល្អមើលហើយម្នាក់ដើរបុក ខណៈម្នាក់វ៉ៃថយដោយបច្ចេកទេស។

កីឡាករ សូត្រ វាសនា

ការប៉ះគ្នារវាងកីឡាករ ឬទ្ធិ សាស្រ្តាវុធ និង សូត្រ វាសនា នេះនឹងធ្វើឡើងនាថ្ងៃស្អែកនេះហើយនៅសង្វៀនទូរទស្សន៍ប៉ុស្តិ៍លេខ៥ ចាប់ពីម៉ោង៦ល្ងាចតទៅ។ បញ្ញាក់ដែរថារវាងអ្នកទាំងនេះប្រសិនបើអ្នកណាឈ្នះគឺបានឡើងទៅជុំទី៣ វគ្គ៨នាក់ចុងក្រោយ នៃពានរង្វាន់ទម្ងន់ ៥៤គីឡូក្រាម ដែលកំពុងជម្រុះចាញ់ធ្លាក់នេះតែម្ដង៕

វីដេអូកន្លងទៅ៖