ទីបំផុតចេញតម្លៃទូរសព្ទ SONY អេក្រង់ 4K ចេញលក់ចុងខែនេះ
- 2019-05-19 03:35:20
- ចំនួនមតិ 0 | ចំនួនចែករំលែក 0
ទីបំផុតចេញតម្លៃទូរសព្ទ SONY អេក្រង់ 4K ចេញលក់ចុងខែនេះ
ចន្លោះមិនឃើញ
Sony Xpeia 1 បានប្រកាសចេញក្នុងកម្មវិធី MWC កាលពីខែកុម្ភៈកន្លងទៅ ដោយនៅពេលនោះក្រុមហ៊ុនមិនបានប្រាប់អំពីតម្លៃលក់ ឬ កាលបរិច្ឆេទចេញលក់នោះឡើយ។ ទីបំផុតតម្លៃរបស់ Xpeia 1 ត្រូវបានបង្ហាញ តាមរយៈការបើកទទួលការកុម្ម៉ង់នៅចក្រភពអង់គ្លេស។
នៅចក្រភពអង់គ្លេសស្មាតហ្វូនប្រើអេក្រង់ 4K OLED នេះ មានតម្លៃ ៨៤៩ ផោន (ប្រមាណ ១ ០៧៩ ដុល្លារ) សម្រាប់ប្រភេទ RAM ទំហំ ៦ GB អង្គផ្ទុក ១២៨ GB ដែលចេញលក់នៅចុងខែឧសភានេះ។
ទីផ្សារបន្ទាប់ដែលគេប្រទះឃើញថាបើកទទួលការកុម្ម៉ង់ទិញ Xperia 1 គឺនៅប្រទេសហ្វាំងឡង់ ដែលលក់ជាកញ្ចប់ជាមួយកាស Sony WH-1000XM3 ជាមួយតម្លៃ ១ ០០០ អឺរ៉ូ (ប្រមាណ ១ ១១៦ ដុល្លារ)។ ចំណែកនៅស៊ុយអែតវិញកញ្ចប់មួយនេះមានតម្លៃប្រមាណ ១ ០៣៧ ដុល្លារ។
ក្រៅពីទីផ្សារខាងលើនេះ គេសង្កេតឃើញនៅសហរដ្ឋអាមេរិកបានលេចចេញតម្លៃលក់ Xperia 1 ដែលនឹងចេញលក់នៅថ្ងៃទី ១២ ខែកក្កដា ក្នុងតម្លៃ ៩៤៩ ដុល្លារ។
Xperia 1 ជាស្មាតហ្វូនមានរាងទ្រវែងដែលមានអេក្រង់ទំហំ ៦,៥ អ៊ីញ បង្ហាញរូបភាពនៅកម្រិត ៣ ៨៤០ x ១ ៦៤៤ ភីកសែល គាំទ្រ HDR (BT.2020) អមប្រព័ន្ធសំឡេង Dolby Atmos។ កាមេរ៉ា ៣ គ្រាប់នៅខាងក្រោយ ដោយគ្រាប់ទីមួយមាន Sensor ទំហំ 1/2.6” ជាមួយមុខងារ OIS+EIS និង Dual Pixel Autofocus ខណៈគ្រាប់ទីពីរជាប្រភេទ Telephoto Lens 2x និងគ្រាប់ទីបីជា Ultra-Wide Lens។
ប្រើប្រាស់បន្ទះឈីបជំនាន់ចុងក្រោយ Qualcomm Snapdragon 855 មាន RAM ទំហំ 6GB អមអង្គផ្ទុក 64/128GB ជាមួយការបន្ថែម microSD Card ដល់ 512GB។ មានថាមពលថ្ម ៣ ៣៣០mAh ដោយខ្នងមុខក្រោយការពារដោយស្រទាប់កញ្ចក់ Gorilla Glass 6 បន្សំអាវក្រោះការពារទឹកស្តង់ដារ IP68 ខណៈប្រព័ន្ធស្កេនខ្ចៅដៃលាក់ទុកនៅចំហៀង ប៉ុន្តែចែកដាច់ចេញពីប៊ូតុង Power៕