៣ ហេតុផលជំរុញឲ្យបុគ្គលជោគជ័យចូលចិត្តស្លៀកពាក់ដដែលៗ
- 2019-05-23 02:05:00
- ចំនួនមតិ 0 | ចំនួនចែករំលែក 0
៣ ហេតុផលជំរុញឲ្យបុគ្គលជោគជ័យចូលចិត្តស្លៀកពាក់ដដែលៗ
ចន្លោះមិនឃើញ
វិនិយោគិននិងបុគ្គលជោគជ័យមួយចំនួនទូទាំងសកលលោក ត្រូវបានគេមើលឃើញពីការប្រើប្រាស់សំលៀកបំពាក់ឬការតុបតែងខ្លួនដដែលៗជារៀងរាល់ថ្ងៃ ហើយវាក៏ជាចម្ងល់ចាក់ដោតមួយដែលមនុស្សភាគច្រើនមិនធ្លាប់បានដឹង។
ក្នុងនោះមានដូចជាអតីតប្រធានាធិបតីអាមេរិកលោក Barack Obama រមែងប្រើប្រាស់ឈុតពណ៌ប្រផេះឬខៀវ ស្រដៀងនឹងស្ថាបនិក Facebook លោក Mark Zuckerberg មួយថ្ងៃៗឃើញពាក់តែអាវយឺតស្លាកយីហោ Brunello Cucinelli រីឯ Steve Jobs និមិត្តរូបរបស់ Apple ធ្លាប់ឃើញប្រើប្រាស់អាវដៃវែងជិតកពណ៌ខ្មៅ ខោខោវប៊យ និងស្បែកជើងប៉ាតា New Balance។ ចុះមានផលចំណេញអ្វីនៅពីក្រោយការសម្រេចចិត្តបែបនេះ?
១.មិនខ្ជះខ្ជាយពេលវេលា:
មិនខាតពេល ៥ ទៅ ១០ នាទីក្នុងការស្វែងរកឈុតឬសំលៀកបំពាក់ដែលអ្នកត្រូវប្រើប្រាស់ ពោលគឺត្រឹមការប្រើប្រាស់សំលៀកបំពាក់ជាប្រចាំណាមួយ ហើយយកពេលដែលសេសសល់ទៅធ្វើរឿងសំខាន់ផ្សេងទៀត។
ជាងនេះក៏ចំណេញដល់ពេលដើរទិញសំលៀកបំពាក់ ដោយយើងដឹងច្បាស់ពីរបស់ដែលយើងត្រូវប្រើ របស់ដែលសក្តិសមនឹងយើង ហើយអ្វីដែលពិសេសបើចាំទំហំច្បាស់ ពណ៌ចូលចិត្ត នោះអ្នកអង្គុយតែកុម្ម៉ង់តាម Online ដោយផ្ទាល់ក៏បាន។
២.មិនឲ្យខួរក្បាលហត់ច្រើន:
ដូចលោក Obama ធ្លាប់បាននិយាយថា៖ "អ្នកត្រូវផ្ដោតលើការសម្រេចចិត្ត ដោយចាំបាច់ត្រូវធ្វើតាមទម្លាប់របស់ខ្លួនឯង ពោលគឺមិនឲ្យពេលវេលារបស់អ្នកត្រូវខ្វល់ខ្វាយដោយសាររឿងកំប៉ិកកំប៉ុកទាំងនោះឡើយ"។ ជាការពិតណាស់រាល់ពេលអ្នកមានទម្លាប់បែបនេះ ក៏ពុំមានពាក្យមួយដែលថាអ្នកត្រូវបារម្ភស្អែកព្រឹកយើងត្រូវស្លៀកពាក់បែបណា ជារួមគឺរឿងទាំងនោះនឹងមិនរំខានដល់ខួរក្បាលអ្នកឡើយ។
៣.ជួយឲ្យអារម្មណ៍ល្អ:
បើគិតថាជ្រើសរើសសំលៀកបំពាក់ដែលស្លៀកពាក់ទៅស្រួល នោះក៏នឹងតែងតែមានអារម្មណ៍ល្អ តែបើអ្នកគិតថាចង់លេងម៉ូតឬលេងស្ទាយបែបណា ក៏វាតែងតែបញ្ឆេះអារម្មណ៍ឲ្យអ្នកគិតក្រែងលមិនស្អាតមិនល្អ ត្បិតពេលខ្លះអ្នកផ្សេងមើលមកមិនជាមានបញ្ហាអ្វីក៏ដោយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: