ល្អណាស់! Angkor Tiger ឆ្នាំក្រោយ អាចនឹងប្រើកីឡដ្ឋាន គិរីដងរែក មានស្តង់ដារខ្ពស់

2019-05-23 07:25:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Angkor Tiger មានគម្រោងផ្លាស់ប្ដូរកីឡដ្ឋានដែលប្រើសព្វថ្ងៃនេះហើយ ដោយអាចនឹងប្រើកីឡដ្ឋានថ្មីនៅទឹកដីសៀមរាបដដែល គឺ កីឡដ្ឋានរបស់ក្រុមគិរីដងរែក ដែលកំពុងសាងសង់។

លោក Akihiro Kato ម្ចាស់ក្លឹប Angkor Tiger បានបញ្ជាក់ថាលោកកំពុងពិចារណាក្នុងការប្រើកីឡដ្ឋានផ្សេង ក្រៅពីកីឡដ្ឋានស្វាយធំហើយ។ ការប្ដូរទឹកដីនេះ គឺដោយសារតែកីឡដ្ឋានស្វាយធំ ទីលានមិនស្អាតត្រូវស្ដង់ដារឡើយ ហើយមួយវិញទៀត វានៅឆ្ងាយពីទីប្រជុំជន ពិបាកក្នុងការឱ្យអ្នកគាំទ្រទៅចូលរួមទស្សនាណាស់។

សម្រាប់រដូវកាលថ្មីខាងមុខ ជនជាតិជប៉ុនខាងលើនេះ មានជម្រើសដល់ទៅ៣ឯណោះក្នុងការជ្រើសរើសយកកីឡដ្ឋានធ្វើជាទឹកដី។ ជម្រើសទាំង៣នោះរួមមាន ទី១ ប្រើកីឡដ្ឋានចាស់ ស្វាយធំដដែល ទី២ ប្រើកីឡដ្ឋានរបស់គីរីដងរែក ដែលកំពុងសាងសង់ ដោយក្លឹបគីរីដងរែកផ្ទាល់តែម្ដងនិងគ្រោងរួចរាល់ឆាប់ៗនេះ។ ទី៣ គឺទីលានបាល់ទាត់របស់ Palm Container ដែលកំពុងសាងសង់ដែរ។

បើតាមការបញ្ជាក់របស់បុរសដែលចំណាយលុយ៦០ម៉ឺនដុល្លារក្នុងមួយឆ្នាំដើម្បីទ្រទ្រង់ក្លឹប Tiger ខាងលើ លោកមានចំណាប់អារម្មណ៍លើកីឡដ្ឋានគីរីដងរែកខ្លាំង ព្រោះទីនោះនៅជិតប្រជុំជន ហើយជាទីលានស្ដង់ដារអន្តរជាតិតែម្ដង។