ស៊ូជាមួយអាមេរិកលែងរួច CEO ក្រុមហ៊ុន ZTE ប្រកាសដើរចេញពីតំណែង

2019-05-24 04:45:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាង ៣ ខែ សង្រ្គាមផ្នែកសេដ្ឋកិច្ចរវាងសហរដ្ឋអាមេរិកនិងចិន បានបង្កការរាំងស្ទះសង្វាក់ផលិតកម្មរបស់ក្រុមហ៊ុន ZTE រហូតដល់ថ្នាក់រដ្ឋាភិបាលអាមេរិកប្ដឹងផ្ដល់ឲ្យក្រុមហ៊ុនយក្សមួយនេះត្រូវបង់ប្រាក់ពិន័យដល់ទៅ ១ ពាន់លានដុល្លារ។

ជុំវិញបញ្ហានេះក៏នាយកប្រតិបត្តិជាន់ខ្ពស់ជាច្រើនតំណែងរបស់ ZTE ត្រូវបង្ខំចិត្តលាលែងពីតំណែង ក្នុងនោះក៏រួមមានទាំង CEO លោក Cheng Lixin បានដាក់ពាក្យប្រកាសដើរចេញជាផ្លូវការ។ សេចក្តីប្រកាសនេះធ្វើឡើងក្រោយចេញពាក្យលាឈប់ពីសមាជិកអតីតក្រុមប្រឹក្សាភិបាល ១៤ រូប និងប្រភពមិនទាន់ផ្លូវការក៏សង្កត់ធ្ងន់ថា ក្រុមហ៊ុននឹងតែងតាំងលោក Xu Ziyang ជា CEO ថ្មី។

បញ្ជាក់ថាលោក Lixin បានចូលមកបម្រើការឲ្យ ZTE នាថ្ងៃទី ១៨ ឧសភា ឆ្នាំ ២០១០ ក្នុងតំណែងជាប្រធានគ្រប់គ្រង ZTE North America និងកាន់កាប់ ZTE USA នាខែមេសា ឆ្នាំ ២០១៧ រហូតឡើងតំណែងជាបន្តបន្ទាប់ដល់នាយកប្រតិបត្តិក្រុមហ៊ុនទាំងមូល។

លទ្ធផលនៃការខិតខំប្រឹងប្រែងរបស់លោក បានជួយឲ្យ ZTE ឈរនៅចំណាត់ថ្នាក់ទី ៥ ក្នុងសហរដ្ឋអាមេរិក ប៉ុន្តែដោយសារបញ្ហាសង្គ្រាមពាណិជ្ជកម្មរវាងមហាអំណាចទាំងពីរ គ្រប់យ៉ាងក៏ផ្តើមមានការប្រែប្រួលយ៉ាងគំហុក៕

អានអត្ថបទ:

ប្រភព៖ Gizchina អត្ថបទ៖ កៅ រក្សា