Messi ចង់ឈ្នះ Copa del Rey បំបាត់ភាពឈឺចាប់កាលនៅ Anfield
- 2019-05-25 03:18:32
- ចំនួនមតិ 0 | ចំនួនចែករំលែក 0
Messi ចង់ឈ្នះ Copa del Rey បំបាត់ភាពឈឺចាប់កាលនៅ Anfield
ចន្លោះមិនឃើញ
Lionel Messi បាននិយាយថា គេចង់ឈ្នះពាន Copa del Rey ជាមួយ Barcelona ដើម្បី បន្ធូរបន្ថយការឈឺចាប់នៃការបរាជ័យដោយសារ Liverpool ហើយវាក៏ជាស្ថិតក្នុងចំណោមរឿងអាក្រក់នៃអាជីពរបស់គេផងដែរ។
និយាយក្នុងសន្និសីទកាសែតជាលើកដំបូងរបស់គេក្នុងរយៈពេល៤ឆ្នាំ កីឡាករវ័យ៣១ឆ្នាំថា គេនៅតែគិតអំពីការប្រកួតចាញ់វគ្គពាក់កណ្ដាលផ្ដាច់ព្រ័ត្រកាលពីថ្ងៃទី ៧ ខែ ឧសភា ពេលដែលហង្សក្រហមវាយបកយកឈ្នះ ៤-០។ "ពួកយើងទទួលការឈឺចាប់ដោយសារវា។ ការឈ្នះពាន Copa del Rey នឹងក្លាយជាផ្លូវល្អបំផុតសម្រាប់បញ្ចប់រដូវកាល"។ សម្ដី Messi។
កីឡាករសញ្ជាតិអាហ្សង់ទីនចង់ឲ្យអ្នកចាត់ការ Ernesto Valverde បន្តដឹកនាំ Barca។ ចំពោះការចាញ់ Liverpool រូបគេយល់ថា ការស្ដីបន្ទោសគួរតែធ្លាក់លើកីឡាករ Barcelona ទាំងអស់ មិនមែនគ្រូទេ។ Barcelona និងត្រូវប៉ះ Valencia នៅរាត្រីនេះម៉ោង២រំលងអាធ្រាត្រ ផ្ដាច់ព្រ័ត្រពាន Copa del Rey៕