បុរសចិនចាក់មិត្តរួមបន្ទប់១កាំបិតលេចជ្រៅ ក្រោយបបួលផឹក ត្រូវគេបដិសេធ

2019-05-26 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសទាំង២នាក់ដែលជាមិត្តរួមបន្ទប់នឹងគ្នានេះ បានញ៉ាំអាហារពេលល្ងាចជុំគ្នា និង ដោយមានស្រាបៀ និង ស្រាផង។

រូបតំណាង

បុរសចិនទាំង២ធ្វើការ និង រស់នៅជុំគ្នាក្នុងបន្ទប់ជួលនៅសិង្ហបុរី។ ពួកគេទើបមករស់នៅជុំគ្នាបានប្រហែល១ខែប៉ុណ្ណោះ។

ដោយទទួលទានទាំងស្រា និង ស្រាបៀ បុរសជនជាតិចិនឈ្មោះ ចាវ ដុង (Zhao Dong) វ័យ៤១ឆ្នាំ បានបដិសេធលែងផឹកបន្តនៅពេលមិត្តរួមបន្ទប់របស់គាត់យកស្រាស១ដបទៀតមកផឹក។

លី យូបាវ (Li Yubao) អាយុ៣១ឆ្នាំ បានបង្ខំលោកចាវ ឲ្យផឹកបន្ត រហូតដល់មានការឈ្លោះប្រកែកគ្នា នៅពេលដែលចាវព្យាយាមបដិសេធ។ លី បានចូលទៅផ្ទះបាយហើយទាញកាំបិតចាក់ ចាវលេចពាក់កណ្តាលដៃខាងឆ្វេងលេចជម្រៅប្រហែល ១៥សង់ទីម៉ែត្រ។

រូបតំណាង

ចាវ ដុង គឺជាជាងម៉ាស៊ីន ហើយ លី យូបាវគឺជាអ្នកបើកឡាន។ យោងតាមប៉ូលីស ដំបូងឡើយជនរងគ្រោះមិនបានប្រាប់ទៅសមត្ថកិច្ចឡើយ ក្រោយមកបន្ទាប់ពីសម្រាកព្យាបាលនៅមន្ទីរពេទ្យអស់រយៈពេល១២ថ្ងៃ ដោយគ្មានលុយទូទាត់ថ្លៃពេទ្យ ចាវ បានរាយការណ៍ពីហេតុការណ៍ដែលបានកើតឡើង។

ទីបំផុត តុលាការសិង្ហបុរីទើបបានសម្រេចកាត់ទោសកាលពីពេលថ្មីៗនេះ ដាក់ពន្ធនាគារ១០ខែ ទៅលើជនបង្ក ដែលហេតុការណ៍នេះបានកើតឡើងកាលពីវេលាម៉ោងប្រហែល ១០ យប់កាលពីថ្ងៃទី ២៩ ខែមករា៕

អាន៖ ដឹងទេគ្រាន់តែបុណ្យទានម្តងៗ ចិនទាញចំណូលបានជិតស្មើ GDP ប្រទេសអាស៊ាន២បញ្ចូលគ្នា

អាន៖ ចិនសង់កប៉ាល់ ទីតានិចទី២ ដូចខ្មោចកប៉ាល់ទីតានិចបេះបិទ

ប្រភព៖ Asiaone ប្រែសម្រួល៖ សុខ លាងហ៊ត