Sir Alex ចូលដឹកនាំក្រុម Man Utd វ័យចាស់ នៅតែខ្លាំង លេងល្អ ឈ្នះ Bayern ៥-០

2019-05-27 01:22:47
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Sir Alex Fugerson បានចូលខ្លួនជាថ្មី ដឹកនាំក្រុមវ័យចាស់របស់បិសាចក្រហម Manchester United កាលពីយប់មិញនេះ ហើយលទ្ធផលក៏ធ្វើបានល្អដែរ ឈ្នះក្រុមវ័យចាស់ Bayern Munich ក្នុងលទ្ធផល ៥-០។

នៅយប់មិញនេះជាការប្រកួតរំលឹកខួប២០ឆ្នាំ នៃការវាយបកចុងម៉ោងសាហាវបំផុតក្នុងប្រវត្តិសាស្ត្របាល់ទាត់រវាងក្រុម Man Utd និង Bayern Munich ក្នុងវគ្គផ្ដាច់ព្រ័ត្រ UEFA Champions League ។ គេសង្កេតឃើញថាវត្តមានរបស់លោក Sir Alex Fugerson នៅ Old Trafford នៅតែទទួលបានការគាំទ្រដដែលពីសំណាក់អ្នកគាំទ្រ។ ហើយអ្វីដែលពិសេសទៀតនោះ កីឡាករវ័យចាស់ Man Utd ទាំងអស់ក៏លេងបានល្អថែមទៀត។

ជាក់ស្ដែង David Beckham កីឡាករវីរបុរស Man Utd នៅតែអាចបញ្ជូនបាល់វែងៗបានល្អដដែល។ មានអ្នកគាំទ្រមួយចំនួនបានប្រៀបធៀបថា Bekcham វ័យ៤៤ឆ្នាំហើយ ប៉ុន្តែនៅលេងល្អជាង Ashley Young ទៅទៀត។ ១ក្រុមដែលលេងនៅយប់មិញនេះ បានធ្វើឱ្យអ្នកគាំទ្ររំភើបចិត្ត នឹងនឹកឃើញកាលគ្រាដែល Man Utd ជាបិសាចធ្វើឱ្យក្រុមណាក៏ឃើញហើយខ្លាចដែរ។ ខុសពីបច្ចុប្បន្ន Man Utd ដែលសល់ត្រឹមឈ្មោះប៉ុណ្ណោះ៕