ដូណាល់ ត្រាំក្លាយជាមេដឹកនាំដំបូងគេបង្អស់ ដែលជួបព្រះចៅអធិរាជថ្មីរបស់ជប៉ុន
- 2019-05-27 07:12:58
- ចំនួនមតិ 0 | ចំនួនចែករំលែក 0
ដូណាល់ ត្រាំក្លាយជាមេដឹកនាំដំបូងគេបង្អស់ ដែលជួបព្រះចៅអធិរាជថ្មីរបស់ជប៉ុន
ចន្លោះមិនឃើញ
ប្រធានាធិបតីអាមេរិកលោកដូណាល់ ត្រាំ បានក្លាយជាមេដឹកនាំអន្ដរជាតិដំបូងគេបង្អស់ដែលបានចូលជួបជាមួយព្រះចៅអធិរាជថ្មីរបស់ជប៉ុន Naruhito។
ប្រធានាធិបតីអាមេរិកទី ៤៥ និងភរិយា Melania Trump បានធ្វើដំណើរទៅកាន់ប្រទេសជប៉ុនដើម្បីចូលជួបសម្ដែងការគួរសមជាមួយព្រះចៅអធិរាជជប៉ុននៅក្នុងរាជវាំងកាលពីថ្ងៃចន្ទកន្លងទៅ។ លោកដូណាល់ ត្រាំ បានចាប់ផ្ដើមទស្សនកិច្ចផ្លូវការដោយការចាប់ដៃព្រះចៅអធិរាជ និងសម្ដែងអំណរគុណចំពោះការស្វាគមន៍យ៉ាងកក់ក្ដៅពីអធិរាជ Naruhito និងអធិរាជនី Masako។ ជាមួយគ្នា លោកត្រាំ បានសម្ដែងការសាទរចំពោះការឡើងគ្រងរបស់ព្រះចៅអធិរាជ និងលើកឡើងថាមនុស្សជុំវិញពិភពលោកកំពុងជជែកគ្នាអំពីរឿងនេះ។
គួរឲ្យដឹងថា នៅក្នុងជំនួបជាផ្លូវការនេះ ព្រះចៅអធិរាជ និងអធិរាជនី បានប្រើប្រាស់ភាសាជប៉ុនសម្រាប់ទំនាក់ទំនងជាមួយប្រធានាធិបតីអាមេរិក និងភរិយារបស់លោក ដោយមានអ្នកបកប្រែ បើទោះបីជា ទ្រង់ទាំងពីរធ្លាប់សិក្សាភាសាអង់គ្លេសនៅសកលវិទ្យាល័យ Oxford យ៉ាងណាក្ដី៕