លុយៗ! Real ត្រូវចាយ ១,២លានផោនក្នុង១សប្ដាហ៍ ទើប Neymar ព្រមលេងឱ្យ
- 2019-05-28 05:21:41
- ចំនួនមតិ 0 | ចំនួនចែករំលែក 0
លុយៗ! Real ត្រូវចាយ ១,២លានផោនក្នុង១សប្ដាហ៍ ទើប Neymar ព្រមលេងឱ្យ
ចន្លោះមិនឃើញ
មានប្រភពជាច្រើនបានចុះផ្សាយថា Real Madrid នឹងត្រូវចំណាយប្រមាណ១,២លានផោនក្នុង១សប្ដាហ៍ ទើបខ្សែប្រយុទ្ធ Neymar ព្រមទៅលេងឱ្យនៅអេស្ប៉ាញ។
ក្រុម Real Madrid កំពុងប្រមាញ់ខ្សែប្រយុទ្ធមកពង្រឹងក្រុមសម្រាប់រដូវកាលថ្មីខាងមុខនេះ។ ក្នុងនោះដែរ Neymar ជាបេក្ខភាពដែលលោក Perez ប្រធានក្លឹបចង់បានជាយូរមកហើយ ពោលគឺតាំងពីរូបគេបានចាកចេញពី Barcelona ទៅ PSG រដូវកាលដំបូងម្ល៉េះ។ តែផ្ទុយទៅវិញ ក្រុម PSG តែងតែបដិសេធក្នុងការលក់ខ្សែប្រយុទ្ធប្រេស៊ីលនេះរហូត ទោះតម្លៃប៉ុន្មានក៏ដោយ។
រដូវកាលនេះ Neymar មិនបានលេងច្រើនឱ្យ PSG នោះទេ ដោយសាររបួស ហើយរូបគេក៏បានបង្ហាញការមិនពេញចិត្តជាមួយមិត្តរួមក្រុមផងដែរ មួយរយៈចុងក្រោយ។ កត្តានេះ បានធ្វើឱ្យមានមតិជាច្រើនពិភាក្សាពីអនាគតរបស់គេនៅ PSG សម្រាប់រដូវកាលថ្មី។ DailyMail បានចុះផ្សាយនៅមុននេះថា ក្រុម Real Madrid នៅតែមានឱកាសយកបាន Neymar ដដែល ប៉ុន្តែការចំណាយប្រាកដជាច្រើនមិនខាន។
ប្រភពបានបន្ដទៀតថា ក្រុម Real Madrid ត្រូវចំណាយយ៉ាងតិច១,២លានផោនក្នុង១សប្ដាហ៍ទើបអាចនាំយកកំពូលខ្សែប្រយុទ្ធខាងលើបាន។ ដោយនេះគ្រាន់តែជាប្រាក់ពលកម្មរបស់គេប៉ុណ្ណោះ នៅតម្លៃទិញផ្ដាច់កុងត្រាពី PSG ផ្សេងទៀត៕