Gattuso សុខចិត្តដើរចេញពី AC Milan ដោយមិនស្ដាយកុងត្រាសល់ ២ឆ្នាំ

2019-05-28 11:25:14
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹកក្លឹប AC Milan លោក Gennaro Gattuso បានប្រកាសថា លោកលាលែងចេញពីតំណែងពីគ្រូបង្វឹក បន្ទាប់ពីលោកបរាជ័យក្នុងការនាំយកក្លឹបអ៊ីតាលីមួយនេះ ឡើងមកព្រឹត្តិការណ៍ UEFA Champions League។

លោកបាននិយាយប្រាប់កាសែត La Republicca ថា៖ " ការសម្រេចចិត្តចាកចេញពី AC Milan មិនមែនជារឿងងាយស្រួលទេ ប៉ុន្តែវាជាអ្វីដែលត្រូវតែធ្វើ " ។

លោកបានបន្តថា៖ " រយៈពេល ១៨ខែ ក្នុងការធ្វើជាគ្រូបង្វឹកក្នុងក្លឹបនេះ ជារឿងដែលមិនអាចបំភ្លេចបាន។ ការសម្រេចចិត្តនេះវាផ្ដល់ការឈឺចាប់ពិតមែន ប៉ុន្តែវាជាជម្រើសដ៏ល្អបំផុត " ។

លោកបានបន្ថែមថា៖ " តើខ្ញុំបោះបង់ចោលកុងត្រា ២ឆ្នាំទេ? ប្រាកដណាស់! ព្រោះថាខ្ញុំ និង Milan មិនអាចនិយាយពីរឿងលុយទេ " ។

សូមបញ្ជាក់ផងដែរថា AC Milan ក្នុងឆ្នាំនេះដែរ បានបញ្ចប់រដូវកាល ២០១៨/១៩ ដោយចំណាត់ថ្នាក់លេខ ៥ ដែលមាន ៦៨ពិន្ទុ ហើយខ្វះតែមួយពិន្ទុទៀតប៉ុណ្ណោះពីចំណាត់ថ្នាក់លេខ ៤ ដែលជាកៅអីប្រកួតជម្រុះចូលលេងព្រឹត្តិការណ៍ UEFA Champions League៕

ប្រភព៖ Goal ប្រែសម្រួល៖ ហ៊ីម រស្មី