ចិនផ្ទុះការខឹងសម្បារខ្លាំង បោះពាក្យចំៗទៅអាមេរិកថាកុំឲ្យចូលដៃជាមួយតៃវ៉ាន់

2019-05-29 02:21:21
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលចិន បានសម្ដែងការមិនពេញចិត្តចំពោះអាមេរិកក្រោយពេលដែលមហាអំណាចមួយនេះជាប់ពាក់ព័ន្ធជាមួយនឹងកោះតៃវ៉ាន់។

យោងតាមភ្នាក់ងារសារព័ត៌មានផ្លូវការតៃវ៉ាន់ឲ្យដឹងថា កាលពីដើមខែកន្លងទៅទីប្រឹក្សាសន្ដិសុខជាតិអាមេរិកលោក John Bolton បានជួបជាមួយនឹងមន្ត្រីការពារជាតិជាន់ខ្ពស់របស់តៃវ៉ាន់ David Lee។ ជំនួបនេះ ត្រូវបានរដ្ឋាភិបាលក្រុងប៉េកាំង ចាត់ទុកថាមានភាពមិនប្រក្រតីរវាងមន្ត្រីអាមេរិក និងតៃវ៉ាន់ដែលមិនធ្លាប់មានចាប់តាំងពីឆ្នាំ ១៩៧៩មក។ យោងតាមអ្នកនាំពាក្យក្រសួងការបរទេសចិនលោក Lu Kang ឲ្យដឹងកាលពីថ្ងៃចន្ទថា "ក្រុងប៉េកាំងមិនពេញចិត្ត និងជំទាស់ដាច់ខាតចំពោះកិច្ចប្រជុំនេះ ហើយជំរុញឲ្យសហរដ្ឋអាមេរិកបញ្ឈប់ការផ្លាស់ប្ដូរជាផ្លូវការ ឬបង្កើនទំនាក់ទំនងណាមួយជាមួយកោះតៃវ៉ាន់។"

គួរឲ្យដឹងថា កាលពីថ្ងៃទី ២៨ខែឧសភានេះ យន្តហោះចម្បាំងតៃវ៉ាន់រាប់គ្រឿង បានចុះចតនៅលើផ្លូវហាយវេមួយកន្លែង ដែលជាផ្នែកនៃសមយុទ្ធប្រចាំឆ្នាំមួយ ដើម្បីពង្រឹងសមត្ថភាពយោធា និងទប់ទល់ការវាយប្រហារណាមួយមកលើកោះតៃវ៉ាន់៕