Xhaka៖ ក្លឹបដូច Arsenal ត្រូវតែលេងនៅ Champions League
- 2019-05-29 12:56:34
- ចំនួនមតិ 0 | ចំនួនចែករំលែក 0
Xhaka៖ ក្លឹបដូច Arsenal ត្រូវតែលេងនៅ Champions League
ចន្លោះមិនឃើញ
ខ្សែបម្រើក្រុមជម្រើសជាតិស្វីសកីឡាករ Granit Xhaka បានលើកឡើងកាលពីពេលថ្មីៗនេះថា ក្លឹប Arsenal គួរតែត្រូវបានលេងក្នុងក្របខ័ណ្ឌកំពូលអឺរ៉ុប UEFA Champions League។
កីឡាកររូបនេះបាននិយាយថា៖ " យើងត្រូវតែនៅក្នុង Champions League។ យើងមិនបានលេងនៅទីនោះរយៈពេល ២ឆ្នាំ ហើយ ដូច្នេះយើងត្រូវតែលេងនៅទីនោះរដូវកាលក្រោយ " ។
Xhaka បានបន្តថា៖ " គ្រប់កីឡាករទាំងអស់ ក៏ដូចជាខាងក្លឹប និងអ្នកគាំទ្រ សុទ្ធតែចង់លេងប៉ះក្រុមល្អៗ ហើយក្រុមល្អៗមាននៅក្នុង Champions League '' ។
កីឡាកររូបនេះបានបន្ថែមថា៖ " យើងនៅក្នុងរដូវកាលដ៏ល្អ តែ៤ ៥ ប្រកួតចុងក្រោយ យើងបានធ្លាក់ទម្រង់លេង។ ប្រសិនបើយើងអាចយក Europa League បាន ហើយបានចូលលេងក្នុង Champions League យើងអាចទទួលយកបាន " ។
សូមបញ្ជាក់ផងដែរថា Arsenal បានបញ្ចប់រដូវកាល ២០១៨/១៩នេះ ដោយចំណាត់ថ្នាក់លេខ ៥ ហេតុនេះហើយមានតែការឈ្នះពាន UEFA Europa League ទេ ទើបអាចឲ្យក្លឹបមួយនេះចូលលេងក្នុង UEFA Champions League បាន៕