មកដឹងពី ចំនួនមនុស្សដែលបានស្លាប់ដោយពស់ចឹកក្នុងមួយឆ្នាំៗ

2019-05-30 12:49:36
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅជុំវិញពិភពលោក មានមនុស្សស្លាប់ដោយសារពស់ចឹកចំនួនជាមធ្យម ១៣ម៉ឺននាក់ ក្នុងមួយឆ្នាំៗ នេះបើតាមអង្គការសុខភាពពិភពលោក ឆ្នាំ២០១៩។ របាយនៃមនុស្សស្លាប់មានភាពខុសៗគ្នាទៅតាមតំបន់ ដោយមនុស្សស្លាប់ភាគច្រើននៅតំបន់អាស៊ី និងអាហ្វ្រិក។

នៅក្នុងទ្វីបអាស៊ីមានរបាយមនុស្សស្លាប់ដោយសារពស់ចឹកច្រើនជាងគេ ដោយស្លាប់ក្នុងមួយឆ្នាំៗប្រមាណពី ៥ម៉ឺន ទៅ ១០ម៉ឺននាក់ ចំណែកឯក្នុងទ្វីបអាហ្វ្រិកវិញ មានអ្នកស្លាប់ពី ២ម៉ឺន ទៅ ៣ម៉ឺននាក់។ រីឯនៅសហរដ្ឋអាមេរិក និងកាណាដា មានអ្នកស្លាប់ដោយពស់ចឹកជាមធ្យមតែ ១៥នាក់ប៉ុណ្ណោះ។

ខាងក្រោមនេះ ជាចំនួនអ្នកស្លាប់ដោយសារពស់ចឹកតាមទ្វីបនីមួយៗ៖

ទ្វីបអាស៊ី៖ ៥៧,០០០ ទៅ ១០០,០០០នាក់។

ទ្វីបអាហ្រ្វិក៖ ២០,០០០ ទៅ ៣២,០០០នាក់។

តំបន់អាមេរិកឡាទីន និងតំបន់ការីប៊ៀន៖ ៣,៤០០ ទៅ ៥,០០០នាក់។

ទ្វីបអូសេអានី៖ ២០០ ទៅ ៥២០នាក់។

ទ្វីបអឺរ៉ុប៖ ៣០ ទៅ ១២៨នាក់។

សហរដ្ឋអាមេរិក និងកាណដា៖ ១៥នាក់៕

ប្រភព៖ CNN ប្រែសម្រួល៖ ហ៊ីម រស្មី