វគ្គផ្ដាច់ព្រ័ត្រ Champions League ទាំង៧ រវាងក្រុមមកពីលីគតែមួយ
- 2019-06-01 01:50:00
- ចំនួនមតិ 0 | ចំនួនចែករំលែក 0
វគ្គផ្ដាច់ព្រ័ត្រ Champions League ទាំង៧ រវាងក្រុមមកពីលីគតែមួយ
ចន្លោះមិនឃើញ
វាជាពេលវេលាម្តងទៀតហើយ នៃវគ្គផ្ដាច់ព្រ័ត្រ Champions League រវាងក្រុមមកពីលីគតែមួយ។
Liverpool កំពុងសម្លឹងក្នុងការបន្ថែមពានកំពូលរបស់ទ្វីបអឺរ៉ុបជាលើកទី៦របស់ខ្លួន ខណៈដែល Tottenham Hotspur ចង់លើកពាន Champions League ជាលើកដំបូងរបស់ខ្លួនដើម្បីសាងប្រវត្តិសាស្ត្រសម្រាប់ក្លឹប។
កាលពីជិត២ទសវត្សមុន Real Madrid ចាញ់ការប្រកួតទាំង២ជើងក្នុងលីគទល់នឹងក្រុម Valencia នៅក្របខ័ណ្ឌ La Liga ។
ថ្ងៃនេះ រឿងរ៉ាវស្រដៀងគ្នានេះ ក៏បានកើតឡើងម្តងទៀតរវាងក្រុម២មកពីក្របខ័ណ្ឌ Premier League ពោលគឺ Spurs ចាញ់ការប្រកួតទាំង២ជើងទល់នឹង Liverpool ហើយស្ថិតនៅចំណាត់ថ្នាក់ក្រោម ហង្សក្រហម២លេខ ដូចកាល Real Madrid ក្រោម Valancia ២លេខនៅ La Liga កាលពីឆ្នាំ ២០០០ ដូច្នោះដែរ។
ខាងក្រោមនេះ គឺជាការប្រកួតវគ្គផ្ដាច់ព្រ័ត្រ Champions League រវាងក្រុមមកពីលីគតែមួយ៖
១ Real Madrid ៣-០ Valancial (ឆ្នាំ ២០០០)
២ Juventus ០-០ Milan (ឆ្នាំ ២០០៣)
៣ Manchester United ១-១ Chelsea (ឆ្នាំ ២០០៨) ៖ រឿងរ៉ាវគួរឲ្យចាប់អារម្មណ៍កាលនោះគឺ Ronaldo ស៊ុតបាល់ប៉េណាល់ទីអត់ចូល ហើយ Chelsea គួរតែបានលើកពានទៅហើយ ប៉ុន្តែប្រធានក្រុម John Terry បែរជារអិលជើងដួលពេលទាត់ប៉េណាល់ទី។
៤ Bayern Munich ២-១ Borussia Dortmund (ឆ្នាំ ២០១៣)
៥ Real Madrid ៤-១ Atletico Madrid (ឆ្នាំ ២០១៤)
៦ Real Madrid ១-១ Atletico Madrid (ឆ្នាំ ២០១៦) ៖ ក្នុងរយៈពេល៣ឆ្នាំ ក្រុមមកពីទីក្រុងម៉ាឌ្រីដជួបគ្នា២ដងនៅ វគ្គផ្ដាច់ព្រ័ត្រ Champions League ប៉ុន្តែ Atletico Madrid បានត្រឹមតែជាតួរង។
៧ Liverpool និង Tottenham (ឆ្នាំ ២០១៩) ៖ តើ Spurs និង Liverpool អាចបង្កើតប្រវត្តិសាស្ត្រឲ្យដូចរឿងរ៉ាវ Real Madrid និង Valencia កាលពីជិត២ទសវត្សមុនបានដែរអត់?
អាន៖ Karius បង្ហាញសាររំជួលចិត្ត ក្រោយកំហុសដ៏ធ្ងន់នៅ Champions League