តើជាស្នាដៃរបស់អ្នកគាំទ្រ Liverpool ឬ? ប្រាសាទរយឆ្នាំរបស់ Everton ត្រូវបានបំពាន
- 2019-06-04 07:15:47
- ចំនួនមតិ 0 | ចំនួនចែករំលែក 0
តើជាស្នាដៃរបស់អ្នកគាំទ្រ Liverpool ឬ? ប្រាសាទរយឆ្នាំរបស់ Everton ត្រូវបានបំពាន
ចន្លោះមិនឃើញ
ប្រាសាទដែលជារូបតំណាងឡូហ្គោរបស់ក្លឹប Everton ត្រូវបានបំពាន បន្ទាប់ពី Liverpool សាងប្រវត្តិសាស្ត្រឈ្នះ Champions League សាជាថ្មី។
ក្រោយពីក្រុមលោក Jurgen Klopp យកឈ្នះ Spurs លើកពានលំដាប់កំពូលរបស់អឺរ៉ុបជាលើកទី៦ មានការអបអរយ៉ាងគគ្រឹកគគ្រេងនៅពាក់កណ្ដាលទីក្រុង Liverpool។ ប៉ុន្តែក្រុមអ្នកគាំទ្ររបស់ក្លឹប Everton ស្រឡាំងកាំងមែនទែនកាលពីថ្ងៃអាទិត្យ ដោយពួកគេបានឃើញប្រាសាទ Everton Lock-Up ដែលមានអាយុកាល២៣២ឆ្នាំត្រូវបានបំពានមានការគូរលេខ៦ តំណាងឲ្យការឈ្នះរបស់ហង្សក្រហម។
អ្នកគាំទ្ររបស់ Everton បានបង្ហាញអារម្មណ៍លើបណ្ដាញសង្គមខកចិត្តយ៉ាងខ្លាំងចំពោះការខូចខាតប្រាសាទមួយនេះ។ អ្នកគាំទ្ររបស់ Everton ម្នាក់បញ្ចេញមតិមិនសប្បាយចិត្តលើអ្នកគាំទ្រ Liverpool ថា៖ "ពួកគេអបអរចំពោះជ័យជម្នះដ៏ធំរបស់ពួកគេ ហើយពួកគេមានគិតពីយើងទេ? ចំណែកម្នាក់ទៀតថា៖ "ភ្ញាក់ផ្អើលនិងអាម៉ាស់ណាស់...គិតថាអាមនុស្សឆ្កួតដែលធ្វើបែបនេះ គួរតែយកទៅពេទ្យ"។
បញ្ជាក់ថា ក្លឹប Everton និង Liverpool ស្ថិតនៅទីក្រុងតែមួយ ហើយប្រាសាទ Everton Lock-Up មានចម្ងាយមិនឆ្ងាយពីកីឡដ្ឋាន Goodison Park និង Anfield ឡើយ៕