ក្ដៅៗ! Real ទិញបានខ្សែប្រយុទ្ធ Luka Jovic ហើយ!

2019-06-04 12:37:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីអម្បាញ់មិញនេះ ក្លឹប Real Madrid បានប្រកាសតាមបណ្ដាញសង្គមរបស់ខ្លួនថា ខ្លួនទិញបានខ្សែប្រយុទ្ធក្លឹប Eintracht Frankfurt ហើយចុះកុងត្រារយៈពេល ៦ឆ្នាំ ដោយមានសុពលភាពដល់ឆ្នាំ២០២៥។

ក្នុងសេចក្ដីថ្លែងការណ៍របស់ Real Madrid មិនបានបញ្ជាក់ពីតម្លៃនៃការផ្ទេរចេញពីក្លឹបអាល្លឺម៉ង់ឡើង គ្រាន់តែបានប្រាប់ថា កីឡាករនេះនៅត្រួតពិនិត្យសុខភាពតែប៉ុណ្ណោះ ប៉ុន្តែបើតាមសារព័ត៌មានល្បីៗមួយចំនួនបានឲ្យដឹងថា ក្លឹប Real Madrid ទិញកីឡាកររូបនេះក្នុងតម្លៃ ៧៩លានដុល្លារ។

ខ្សែប្រយុទ្ធក្រុមជម្រើសជាតិស៊ែបរូបនេះ បានទាក់ទាញចំណាប់អារម្មណ៍ក្លឹបធំៗយ៉ាងខ្លាំងដោយ រកគ្រាប់បាល់បាន ២៧គ្រាប់ ក្នុង ៤៨ប្រកួតនៃគ្រប់កម្មវិធីទាំងអស់របស់ក្លឹប Frankfurt នារដូវកាល ២០១៨/១៩ កន្លងទៅ។

ក្រោយពីចុះកុងត្រាជាមួយកីឡាករវ័យ ២១ឆ្នាំនេះហើយ ពាក្យចចាមអារ៉ាមមួយចំនួនបានលើកឡើងថា ក្លឹប Real Madrid នឹងត្រៀមចំណាយលុយធំក្នុងទីផ្សារកីឡាករមុនបើករដូវកាល ២០១៩/២០៕

ប្រភព៖ Goal | Real Madrid ប្រែសម្រួល៖ ហ៊ីម រស្មី