Chivas ចាប់ឆ្នោតយកអ្នកមានសំណាងទៅជួបកីឡាករ Man Utd នៅសិង្ហបុរី

2019-06-05 08:11:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនស្រា Chivas នឹងចាប់ឆ្នោតផ្ដល់សំណាងដល់អតិថិជនរបស់ខ្លួនចំនួន២នាក់ធ្វើដំណើរទៅទស្សនាការប្រកួតដ៏អស្ចារ្យរបស់ក្លឹបបាល់ទាត់ Manchester United ដោយផ្ទាល់នៅប្រទេសសិង្ហបុរី។ ក្នុងដំណើរប្រកួតទេសចរណ៍នៅអាស៊ី ក្រុមរហស្សនាមបិសាចក្រហមនឹងប៉ះជាមួយ Inter Milan នៅកីឡដ្ឋានជាតិសិង្ហបុរីនៅថ្ងៃទី២០ ខែកក្កដា ខាងមុខនេះ។

Chivas ដែលជាអ្នកឧបត្ថម្ភធំមួយរបស់ Manchester United បានផ្ដល់សំណាងដល់អតិថិជននៅកម្ពុជាមានឱកាស ទៅទស្សនាការប្រកួតដោយផ្ទាល់នៅសិង្ហបុរីជាមួយនឹងការរ៉ាប់រងលើការចំណាយផ្សេងៗដូចជាសំបុត្រយន្តហោះ ការស្នាក់នៅ ក៏ដូចជាសំបុត្រចូលរួមទស្សនាការប្រកួតដោយផ្ទាល់ផងដែរ។ ជាពិសេសទៀតនោះ អតិថិជនមានសំណាងបានជួបផ្ទាល់ជាមួយ កីឡាករល្បីៗរបស់ Man Utd នៅសិង្ហបុរី ដែលជាឱកាសកម្រមានបំផុត។ នេះជាក្តីស្រមៃរបស់អ្នកគាំទ្រដែលចង់បានបំផុត។

ដើម្បីឈ្នះសំបុត្រដ៏អស្ចារ្យមិនធ្លាប់មាននេះ អ្នកគ្រាន់តែជាវស្រា Chivas ១២ឆ្នាំ ឬ Chivas ១៨ឆ្នាំ មិនថាចំណុះ 70cL ឬ100cL អ្នកនឹងទទួលបានបណ្ណ័ផ្សងសំណាងភ្លាមៗ។ ចូរបំពេញឈ្មោះ រួចដាក់ចូលធុងឆ្នោតរបស់យើងខ្ញុំ។ សន្លឹកឆ្នោតមាននៅតាមផ្សារទំនើបជាដៃគូដូចជា ផ្សារទំនើបឡាក់គី ផ្សារទំនើបអ៊ីអន ផ្សារទំនើបម៉ាក្រូ និងបណ្តាភោជនីយដ្ឋានដែលជាដៃគូរបស់ស្រា Chivas ចាប់ពីថ្ងៃនេះ រហូតដល់ថ្ងៃទី៤ ខែកក្កដា ឆ្នាំ២០១៩ ។

ការចាប់ឆ្នោតលើកទី១ នឹងធ្វើឡើងនៅថ្ងៃសុក្រ ទី៧ ខែមិថុនា សប្ដាហ៍នេះ នៅក្លឹប DOS Phnom Penh ក្បែរទីក្រុងកោះពេជ្រ។ កម្មវិធីចាប់ឆ្នោតចាប់ផ្ដើមពីម៉ោង៩យប់តទៅ ដោយមានការចូលរួមពីតារាចម្រៀងល្បីរបស់កម្ពុជាគឺលោក ព្រាប សុវត្ថិ និង DJ ល្បីឈ្មោះ Cathrin មកពីប្រទេសថៃ។

សូមកុំភ្លេច បើស្រវឹង សូមកុំបើកបរ៕

ចូលទៅកាន់ផេកដើម្បីព័ត៌មានបន្ថែមទៀត ៖ Chivas Cambodia

អត្ថបទពាក់ព័ន្ធ