ជួបផ្លូវការលើកទី១ កម្ពុជា ឈ្នះប៉ាគីស្ថាន ១-០ ចុះល្ងាចនេះ?

2019-06-06 01:52:46
ចំនួនមតិ 0 | ចំនួនចែករំលែក 0

ចន្លោះមិនឃើញ

បើក្រឡេកមើលប្រវត្តិ កម្ពុជានិងប៉ាគីស្ថានកម្របានជួបគ្នាណាស់ក្នុងការប្រកួតផ្លូវការ។ ការប្រកួតផ្លូវការលើកទី១តាំងពីឆ្នាំ១៩៦៧ កម្ពុជាបានយកឈ្នះប៉ាគីស្ថានតែ ១-០ ប៉ុណ្ណោះ ប្រកួតជម្រុះពានរង្វាន់ AFC Asian Cup Qualification។

គ្រូកម្ពុជា និងប៉ាគីស្ថាន

ល្ងាចនេះគឺជាការប្រកួតផ្លូវការលើកទី២ក្នុងយុទ្ធនាការណ៍ជម្រុះ FIFA World Cup 2022 និង Asian Cup 2023 ជើងទី១ ជុំទី១ប្រចាំតំបន់អាស៊ី។ ថាតើក្រុមណាមានប្រៀបក្នុងជើងទី១នេះ?

លោក Felix គ្រូកម្ពុជាបាននិយាយអំពីការប្រកួតនេះថា លោកជឿជាក់ និងមានទំនុកចិត្តលើក្រុមរបស់លោកដែលនឹងធ្វើបានល្អ។ ពួកគេពោរពេញដោយឆន្ទៈ និងលេងដើម្បីជាតិ។

ចំណែកលោក Jose Antonio Nogueira គ្រូប៉ាគីស្ថានបាននិយាយថា ក្រុមរបស់លោកប្រមូលផ្តុំហ្វឹកហាត់បានល្អ និងរយៈពេលគ្រប់គ្រាន់។ ក្រុមរបស់លោកមិនអាចមើលស្រាលក្រុមកម្ពុជាដែលមានកាយសម្បទាតូចជាងឡើយ ប៉ុន្តែត្រូវតែប្រុងប្រយ័ត្ន។ អ្វីដែលសំខាន់ក្រុមរបស់លោកមានបច្ចេកទេស ភាពវ័យឆ្លាត បច្ចេកទេសល្អ។

ការប្រកួតនឹងធ្វើនៅវេលាម៉ោង ៦:៣០នាទីល្ងាច នៅពហុកីឡដ្ឋានជាតិ ដែលផ្សាយផ្ទាល់ដោយទូរស្សន៍ BTV៕

អត្ថបទ៖ ជាន ចាន់រ៉ា