តុលាការកាត់ទោសបុរសម្នាក់ជាប់គុក១២០ឆ្នាំពីបទរំលោភ និងបៀតបៀនផ្លូវភេទកុមារ

2019-06-06 04:31:48
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ២៩ឆ្នាំម្នាក់ត្រូវតុលាការតំបន់នៅសហរដ្ឋអាម៉េរិកកាត់ទោសឲ្យជាប់ពន្ធនាគារចំនួន១២០ឆ្នាំពីបទ រំលោភ និងបៀតបៀនផ្លូវភេទលើកុមារ។ បុរសខាងលើត្រូវបានប៉ូលិសរាយការណ៍ថាបានរំលោភកុមារម្នាក់តាំងពីកុមារនោះនៅជាទារកនៅឡើយ ហើយការរំលោពនេះធ្វើឡើងរហូតដល់កុមារមានអាយុប្រាំមួយឆ្នាំពេលដែលប៉ូលិសជួយសង្គ្រោះបាន។

ប៉ូលិសបានចាប់ខ្លួនលោកSteven Douglas Crook កាលពីឆ្នាំ២០១៨ ក្រោយពីមានសេចក្ដីរាយការណ៍ថាបានរំលោភ និងបៀតបៀនផ្លូវភេទលើកុមារខាងលើ។

លោកត្រូវបានតុលាការរកឃើញថាមានទោស ហើយបានដឹងថាបុរសរូបនេះរំលោភកុមារខាងលើតាំងពីនៅជាទារក រហូតដល់អាយុប្រាំមួយឆ្នាំមិនតិជាង១០០ដងនោះទេ។ បុរសរូបនេះបានថត និងLive ពីសកម្មភាពរបស់ខ្លួនពេលរំលោភលើកុមារនៅលើបណ្ដាញសង្គមផងដែរ។

ប៉ូលិសបានរកឃើញថាមានវីដេអូទាក់ទងនឹងការរំលោភកុមារនេះ ជាច្រើននៅក្នុងឧបរណ៍ថតវីដេអូរបស់បុរសម្នាក់នេះ ដែលនិយាយពីការរំលោភផ្លូវភេទលើកុមារ និងវីដេអូស៊ិចរបស់កុមារ។

មិត្តស្រីរបស់បុរសនេះ ក៏ត្រូវប៉ូលិសចាប់ខ្លួនផងដែរដោយចោទពីបទមិនអើពើលើអនីតិជន និងជាប់ពាក់ព័ន្ធនឹងការបៀនបៀនផ្លូវភេទលើកុមារ៕

ប្រភព៖ Dailymail ប្រែសម្រួល៖ ទូច សុខា