ហ្សរីដា ស្និទ្ធស្នាលមានមនោសញ្ចេតនាខ្លាំងជាមួយដំរី ព្រោះនាងមានប្រវត្តិជាប់ទាក់ទងគ្នាតាំងពីតូចៗ

2019-06-07 03:04:29
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ គេឃើញ ដួង ហ្សូរីដា មានសកម្មភាពល្អៗជាមួយដំរី ពិសេសក្រោយពីបានក្លាយជាទូតសុច្ឆន្ទៈរបស់សមាគម Airavata។ ប៉ុន្តែតាម តាមការបង្ហើបប្រាប់របស់សាមីខ្លួន គឺដោយសារតែនាងមានប្រវត្តិជាប់ទាក់ទងនឹងសត្វព្រៃដ៏ធំតាំងពីតូចៗមកម្ល៉េះ។

"តាំងពីតូចៗមក ឪពុកបង្កើតរបស់ពួកខ្ញុំតែងតែនិទានរឿងដំរីអោយពួកយើងស្ដាប់ថា ដំរីជាសត្វដ៏ស្មោះត្រង់ តស៊ូ អំណត់ ព្យាយាមរាល់ការងារធ្ងន់ៗ ជាពិសេសតែស្រលាញ់ និងចូលចិត្តអ្នកណាហើយ គឺស្នេហារបស់គេជាស្នេហាអមត:"។ ដោយសារតែបែបនោះ ហ្សូរីដា ឲ្យដឹងថា នាងចាប់ផ្ដើមដក់ចិត្ត និងមានមនោសញ្ចេតនាជាមួយសត្វដំរីរហូតមក។

ចំណុចនេះពិសេសមួយទៀតនោះ នាងអះអាងថា សត្វព្រៃគួរឲ្យស្រឡាញ់មួយនេះ មានចំណុចមួយដូចនឹងឪពុករបស់នាងថែមទៀត។ នាងថា "ម្ដាយខ្ញុំធ្លាប់ប្រាប់ថា ភ្នែករបស់ឪពុកខ្ញុំ តូចៗមាន២គន្លាក់ធំៗ ដូចសត្វដំរីអញ្ចឹង បានន័យថាភ្នែកប៉ាៗរបស់កូនដូចភ្នែក “ដំរី” ដូច្នេះហើយបានជាឪពុកខ្ញុំស្រលាញ់ ថ្នាក់ថ្នមម្ដាយខ្ញុំ និងកូនៗដ៍ល្អបំផុត"។

បេះដូងពេញដោយការស្រឡាញ់របស់ឪពុករបស់នាង ហ្សូរីដា បញ្ជាក់ថា បានជំរុញចិត្តម្តាយនាង រីករាយនឹងជីវិតជាស្រ្តីមេម៉ាយចិញ្ចឹមកូនៗតែម្នាក់ឯងរហូតជិត ២០ឆ្នាំ បន្ទាប់ពីលោកចែកឋានទៅ ដោយមិនរវល់រឿងទទួលយកអ្នកថ្មីឡើយ។ ឈរលើហេតុផលទាំងនេះ ទើប ហ្សូរីដា សម្រេចចិត្តចូលរួមការងារអភិរក្សសត្វដំរីជាមួយសមាគមខាងលើដោយមិនស្ទាក់ស្ទើរ ក្រោយមានការលើកទឹកចិត្តរបស់អ្នកស្រី ចិន្តា នាយិកាសមាគម។

ក្រៅពីដួង ហ្សូរីដា លោក ហេរ៉ូ ពិធីករទូរទស្សន៍អាស៊ីអាគ្នេយ៍ ក៏បានចូលរួមធ្វើជាទូតសុច្ឆន្ទៈរបស់សមាគមអភិរក្សសត្វដំរីដែរ។ ដោយឡែក កូនកាត់ខ្មែរ-បារាំង សោម៉ា បានចូលរួមការងារនេះជាយូរមកហើយ ដើម្បីភាពសុខដុមនៃសត្វដំរី និងសត្វព្រៃដទៃទៀត៕