គួរឲ្យភ្ញាក់ផ្អើល! ហ្វីលីពីនធ្វើលិខិតឆ្លងដែនឲ្យសត្វឥន្ទ្រី២ក្បាល មុនហោះទៅសិង្ហបុរី

2019-06-07 09:19:22
ចំនួនមតិ 0 | ចំនួនចែករំលែក 0

ចន្លោះមិនឃើញ

សត្វឥន្ទ្រីពីរក្បាល ត្រូវបានគេធ្វើលិខិតឆ្លងដែនឲ្យដែលមានអត្ដសញ្ញាណហ្វីលីពីន មុនធ្វើការហោះហើរទៅកាន់ប្រទេសសិង្ហបុរីដែលជាផ្នែកមួយនៃកិច្ចព្រមព្រៀងខ្ចី។

សត្វឥន្ទ្រីទីមួយឈ្មោះ Geothermica ភេទឈ្មោលអាយុ ១៥ឆ្នាំ និងមួយទៀតឈ្មោះ Sambisig អាយុ ១៧ឆ្នាំភេទញី ហើយត្រូវបានចាត់ទុកថាជាឯកអគ្គរដ្ឋទូតរបស់ហ្វីលីពីនសម្រាប់ជីវចម្រុះ។ ដំបូងឡើយសត្វទាំងពីរនេះ រស់នៅក្នុងមជ្ឈមណ្ឌលសត្វឥន្ទ្រីហ្វីលីពីនក្នុងទីក្រុង Davao ហើយរដ្ឋាភិបាលសម្រេចចិត្តយកពួកវាទៅបង្កាត់ពូជនៅសួនសត្វបក្សី Jurong។ ប្រភេទសត្វឥន្ទ្រីនេះ ត្រូវបានចាត់ទុកថាជាប្រភេទជិតផុតពូជដែលទាមទារឲ្យមានការយកចិត្តទុកដាក់ និងអភិរក្សខ្ពស់។

គួរបញ្ជាក់ថា ការធ្វើដំណើរទៅកាន់ប្រទេសសិង្ហបុរីរបស់សត្វឥន្ទ្រីទាំងពីរនេះ ស្ថិតក្រោមកិច្ចព្រមព្រៀងខ្ចីសត្វឥន្ទ្រីក្នុងប្រទេសហ្វីលីពីនដើម្បីបន្ដពូជ ហើយពួកវានឹងត្រឡប់មកកាន់ប្រទេសកំណើតវិញក្នុងរយៈពេលពីរឆ្នាំខាងមុខ៕