Real ទិញបាន Hazard ឯ Man Utd ទិញខ្សែបម្រើមិនសូវនរណាស្គាល់មកពី Swansea
- 2019-06-08 02:33:52
- ចំនួនមតិ 0 | ចំនួនចែករំលែក 0
Real ទិញបាន Hazard ឯ Man Utd ទិញខ្សែបម្រើមិនសូវនរណាស្គាល់មកពី Swansea
ចន្លោះមិនឃើញ
Real Madrid បានប្រកាសពីជោគជ័យទិញយកខ្សែបម្រើ Eden Hazard ពី Chelsea ក្នុងតម្លៃប្រមាណ ១៥០លានផោនដោយផ្ដល់កុងត្រារយៈពេល៥ឆ្នាំកាលពីយប់មិញ។
នៅថ្ងៃជាមួយគ្នានោះ Manchester United ដែលកំពុងធ្លាក់ក្នុងសម័យអន្តរកាលដ៏ខ្មៅងងឹតបានចុះហត្ថលេខាបានខ្សែបម្រើវ័យ២១ឆ្នាំមួយរូបមិនសូវមាននរណាស្គាល់ឈ្មោះ Daniel James។ តារាបាល់ទាត់សញ្ជាតិវែលរូបនេះផ្ទេរមកពី Swansea ហើយបានក្លាយជាកីឡាករដំបូងដែល Ole Gunnar Solskjaer ចុះហត្ថលេខាយក។
James បានធ្វើតេស្តសុខភាពជាប់ជាស្ថាពរ ហើយរំពឹងថានឹងបង្ហាញខ្លួនចំពោះមុខអ្នកសារព័ត៌មានជាផ្លូវការ ពេលទីផ្សារដោះដូរកីឡាករបើកនៅសប្ដាហ៍ក្រោយនេះ។ ថ្នាលយុវជនរបស់ Swansea រូបនេះស៊ុតបញ្ចូលទី៥គ្រាប់ក្នុង៣៨ប្រកួតកាលពីរដូវកាលមុននៅក្របខ័ណ្ឌលំដាប់ទីពីររបស់អង់គ្លេស៕